Chlokʼ jun jabil ti lik li paskʼop ta Ucraniae | ¿Kʼuxi tspat koʼontontik li Vivliae?

Li ta viernes 24 yuʼun fevrero ta 2023, lokʼ jun jabil ti lik li paskʼop ta Ucraniae. Oy yalojik ti te van 300,000 soltaroetik ta Ucrania xchiʼuk ta Rusia ti chamemik o yayijem komike xchiʼuk chalik ti te van 30,000 jnaklejetik chamemik ta skoj li paskʼope. Akʼo mi jech, mas van ep kʼuchaʼal chalike.

Pe yileluke muʼyuk to chlaj li paskʼope.

• «Akʼo mi chlokʼ xa jun jabil ti bat stsak ta kʼop Ucrania li soltaroetik ta Rusiae, muʼyuk chchapaj˗o yilel. Jech xtok, yileluke muʼyuk buchʼu yuʼunik ti xkuch yuʼun li paskʼope o ti smojin skʼopik sventa xchapanike» (NPR [radio ti chaʼiik ta sjunul Estados Unidose], 19 yuʼun fevrero ta 2023).

Jaʼ yuʼun, ep krixchanoetik tsvul yoʼontonik ta skoj li paskʼop ta Ucraniae xchiʼuk li yan paskʼopetike, yuʼun chil˗o tajek svokolik ep krixchanoetik ti muʼyuk smulike. ¿Kʼuxi tspat koʼontontik li Vivliae? ¿Mi ta van xlaj skʼoplal li paskʼopetike?

Jun paskʼop ti tslajesbe skʼoplal skotol li paskʼopetike

Li Vivliae chalbe skʼoplal jun paskʼop ti jaʼ sventa slekilal li krixchanoetike. Taje Armajedon akʼbil sbi. Li jun livro ta Vivlia ti Apokalipsis sbie chal ti jaʼ li «paskʼop ta smukʼta kʼakʼalil Dios ti jaʼ li Buchʼu skotol xuʼ yuʼune» (Apokalipsis 16:14, 16). Li Diose tslajesbe skʼoplal skotol ajvaliletik li ta paskʼop taje, yuʼun jaʼ ta smulik li kʼusitik chopol kʼotem ta pasel ta skoj li paskʼopetike. Sventa xanaʼ kʼuxi chakʼ lekilal li Armajedone, kʼelo li mantaletik liʼe:

•  «¿Kʼusi jaʼ li Armajedone?».

•  «¡Jaʼ jun lekil aʼyej mi vul tal li Armajedone!».