Vokoliletik ta skoj ti chjel sikil xkʼixnal balumile | ¿Kʼusi tspas li Ajvalilal yuʼun Diose?

«Ti jelem xa li sikil xkʼixnal balumile yakal chakʼbe svokol li krixchanoetike, li mukʼtik lumetike xchiʼuk skotol li kʼusi kuxajtike. Ta skoj ti yakal chjel tajek li sikil xkʼixnal balumile mas xa tsots chakʼ li ikʼaloʼe xchiʼuk tslilinbe sna li krixchanoetike, jech xtok, tslajes skotol li kʼusitik jtunelik sventa oyuk kuxlejal li ta balumile. Yakal chkʼixnaj li nabetik eke, jaʼ yuʼun, xibal sba xcham li kʼusitik kuxajtike» (Injeniero Andersen, Secretario General adjunto de las Naciones unidas xchiʼuk director Ejecutivo del programa de Medio Ambiente de las Naciones Unidas. Julio 2023).

¿Mi chkʼot van skʼakʼalil ti xuʼ jmoj xchap skʼopik li ajvaliletik sventa xchapanik li kʼusitik chkʼot ta pasel yuʼun li sikil xkʼixnal balumile? ¿Mi xuʼ van slajesik ta j-echʼel li vokoliletike?

Li Vivliae chal ti oy jun Ajvalil ti xuʼ yuʼune xchiʼuk ti chchapan li kʼusitik chkʼotanuk ta pasel ta balumil ta skoj ti xjel li sikil xkʼixnale. Xi chale: «Li Dios te oy ta vinajele ta svaʼan jun Ajvalil» ti tsventain xchiʼuk ti chchapan skotol li vokoliletik ta balumile (Daniel 2:44). Kʼalal jaʼo yakal xa tspas manta li Ajvalil taje, muʼyuk xa buchʼu chakʼ vokolil xchiʼuk muʼyuk xa kʼusi chopol tspasbeik li balumile (Isaias 11:9).