¿Mi Jesus sbi li Diose?

Li k’usi chal Vivliae

Li Jesuse laj yal stuk ti ja’ li «Xnichʼon Diose» (Juan 10:36; 11:4). Muʼyuk onoʼox laj yal ti jaʼ li Dios ti skotol xuʼ yuʼune.

Maʼuk noʼox, yuʼun li Jesuse la skʼopon li Diose (Mateo 26:39). Jech xtok, kʼalal la xchanubtas yajchankʼoptak ta spasel orasione xi laj yale: «Jtotik ta vinajel, akʼo yichʼ chʼultajesel li abie» (Mateo 6:9).

Li Jesuse laj yakʼ ta ojtikinel li sbi Diose. Oy jun veltae laj yalbe skʼoplal jun voʼneal loʼil ta Vivlia ti xi chale: «Aʼio avaʼi, Israel, li Jeova Dios kuʼuntike jaʼ noʼox stuk Jeova» (Markos 12:29; Deuteronomio 6:4).