Salmos

129 «Ta jkeremal onoʼox ti nopajtik la stsakikun ta kʼop li kajkontratake»,+

xiuk akʼo yal avi li Israele:

 2 «Ta jkeremal onoʼox ti nopajtik la stsakikun ta kʼop li kajkontratake,+

pe muʼyuk bu stsalojikun.+

 3 Oy junantike xkoʼolaj kʼuchaʼal osil ti stakʼ lokel chilik li jpate;+

natik tajek chakʼbeik surkoal».*

 4 Pe tukʼ li Jeovae;+

xtuchʼojbe xchʼojon li buchʼutik toj chopolike.+

 5 Chichʼ bikʼtajesbel skʼoplalik xchiʼuk ta kʼexlal tsutik batel

skotol li buchʼutik spʼajojik li Sione.+

 6 Jaʼ jech chkʼotik kʼuchaʼal tsʼiʼlel ti chʼiem ta jol na

ti chtakij kʼalal muʼyuk to bulbile,

 7 ti mu xnoj yuʼunbe skʼob li buchʼu tstsob li kʼusi chlokʼe

xchiʼuk mi jaʼuk xnoj-o batel skʼob li buchʼu chkʼech batel ta jujuchuke.

«Teuk ta atojolalik li sbendision Jeovae;

chkakʼbotkutik bendision ta sbi Jeova».