• ¿Kʼuxi lik tal skotol li kʼusitike?
    ¡Kʼupino akuxlejal ta sbatel osil! Li Vivliae xuʼ skoltaot ta stael

    • 3. ¿Kʼusi jelelutik-o xchiʼuk li chonbolometike?

      Kʼalal laj xa ox spas balumil li Jeovae, oy kʼusitik te la spas. Baʼyel, la snojes ta chonbolometik, ta teʼetik xchiʼuk ta tsʼiʼleletik. Laj une, «li Diose la spas li krixchano jech kʼuchaʼal slokʼol stuke» (kʼelo Jenesis 1:27). ¿Kʼusi ti jelelutik-o xchiʼuk li chonbolometike? Ta skoj ti jaʼ slokʼol la spasutik li Diose, xuʼ jchanbetik stalelaltak. Jaʼ yuʼun, xuʼ xijkʼanvan xchiʼuk ti tukʼuk kʼusi jpastike. Toj lek ti kʼu yelan la spasutik xtoke, yuʼun xuʼ jchantik yan kʼop, ti jkʼeltik li slekil yutsilal li kʼusitik pasbile xchiʼuk ti jkʼupintik xchikintael sonetike. Yan xtok ti kʼusi jelelutik-o xchiʼuk li chonbolometike, jaʼ ti xuʼ xkichʼtik ta mukʼ li Jpasvanej kuʼuntike.

  • ¿Kʼuxi lik tal skotol li kʼusitike?
    ¡Kʼupino akuxlejal ta sbatel osil! Li Vivliae xuʼ skoltaot ta stael

    • 5. Stakʼ chʼunel li kʼusitik chal Vivlia ta sventa li kʼusitik pasbile

      Li ta Jenesis kapitulo 1, li Vivliae chal kʼuxi lik talel li balumile xchiʼuk skotol li kʼusi x-ayan teye. ¿Mi melel van taje o jecheʼ noʼox loʼil? Kʼelik li VIDEOE xchiʼuk albeik skʼoplal li sjakʼobiltak liʼe:

      VIDEO: ¿Mi oy buchʼu la spas li vinajel balumile? (jtuchʼ noʼox) (3:51)

      Lokʼoletik li ta video ¿Mi oy buchʼu la spas li vinajel balumile?. 1. Ti kʼu yelan xvinaj li kʼusitik laj yichʼ pasel ta balumile. 2. Kʼalal laj xa ox yichʼ pasel li kʼakʼal sventa xojobinaj ta balumile, takin xa ox, li voʼe, li teʼetik xchiʼuk tsʼiʼleletike, li mutetike, li chonbolometike xchiʼuk li krixchanoetike.

      • ¿Mi chal Vivlia ti ta vakib noʼox kʼakʼal laj yichʼ pasel li balumile xchiʼuk li kʼusitik x-ayan tee?

      • ¿Mi stakʼ chʼunel chavaʼi kʼusi chal Vivlia ta sventa li kʼusitik pasbile? ¿Kʼu yuʼun ti jech chavale?

      Kʼelik Jenesis 1:1 xchiʼuk albeik skʼoplal li sjakʼobil liʼe:

      • Jutuk mu skotoluk li sientifikoetike chalik ti oy slikeb li vinajel xchiʼuk balumile. Li kʼusi chal Vivliae, ¿mi koʼol la avil xchiʼuk li kʼusi chal sientifikoetike?

      Junantik krixchanoetike xi tsjakʼbe sbaike: «Kʼalal la spas kʼusitik kuxajtik li Diose, ¿mi laj yakʼ ti kʼunkʼun xkʼataj talele?». Kʼelik Jenesis 1:21, 25, 27 xchiʼuk albeik skʼoplal li sjakʼobil liʼe:

      • Kʼalal la spas skotol kʼusitik kuxajtik li Diose, ¿mi chal Vivlia ti kʼunkʼun xa kʼataj talel ta choy, ta chonbolometik xchiʼuk ta krixchanoetik o mi jeltos onoʼox li kʼusitik la spase?b