Jaʼ yuʼun la xchaʼtamik batel sbelel li Belén ti nom to oye. Ti buchʼutik xchanojbeik skʼoplale, chalik ti xuʼ van jun xemana xanavik batele. Ta melel ti jech jmoj chanavik batele chkoltaatik van sventa stsʼik yuʼun li svokolike.

Li chaʼvoʼ meʼon antsetike kʼotik xa ta Belén, taje te oy ta sural Jerusalén xchiʼuk te van 10 kilometro xil. Yaʼeluke ojtikinbilik lek ta skoj ti oy toʼox kʼusi x-ayan yuʼun xchiʼuk yutsʼ yalal li Noemí li ta jun bikʼit lum taje, yuʼun ta anil tanij skʼoplal kʼalal sut batele. Li antsetike solel tskʼelik tajek li Noemie xchiʼuk xi tsjakʼbe sbaike: «¿Me mu jaʼuc Noemí leʼe?». Ta melel xvinaj van lek ta spat xokon ti laj yil tajek svokol ti kʼu sjalil ay nakluk ta Moabe (Rut 1:19).