XCHANOBIL 25
¿Kʼu yuʼun la spasutik li Diose?
Li Vivliae chal ti «komkom noʼox xkuxlejal xchiʼuk ep svokol» li krixchanoetike (Job 14:1). Pe ¿mi jaʼ van jech tskʼan jkuxlejaltik li Diose? Mi maʼuk jeche, ¿kʼu yelan tskʼan ox jkuxlejaltik li Diose? ¿Mi ta van xkʼot ta pasel li kʼusi snopoj Diose? Kʼelavil kʼusi chal li Vivliae.
1. ¿Kʼu yelan tskʼan ox jkuxlejaltik li Diose?
Li Jeovae tskʼan ti jkʼupin jkuxlejaltike. Kʼalal la spas li baʼyel krixchanoetike, li Adan xchiʼuk Evae, te laj yakʼ ta jun kʼupil sba paraiso: li nichimaltik Edene. «Vaʼun, akʼbatik bendision yuʼun Dios, xi albatike: ‹Epajanik, pʼolanik, nojesik li balumile, ventainik›» (Jenesis 1:28). Li Jeovae oy ox ta yoʼonton ti xil yalab xnichʼnabike, ti spasik ta jun paraiso spʼejel li balumile xchiʼuk ti xchabiik li chonbolometike. Tskʼan ox ti mu x˗ipajik li krixchanoetike xchiʼuk ti xkuxiik sbatel osile.
Akʼo mi muʼyuk xkʼot ta pasel li kʼusi oy ox ta yoʼonton li Diose,a pe jech˗o oy ta yoʼonton tspas (Isaias 46:10, 11). Jech˗o tskʼan ti junuk yoʼonton xkuxiik sbatel osil li krixchanoetik ti chchʼunbeik smantale (kʼelo Apokalipsis 21:3, 4).
2. ¿Kʼuxi xuʼ jkʼupin jkuxlejaltik li avie?
¿Kʼu yelan la spasutik li Jeovae? Jaʼ ti chtun kuʼuntik li beiltasel chakʼe, jaʼ xkaltik, ti xkojtikintik leke xchiʼuk ti xkichʼtik ta mukʼe (kʼelo Mateo 5:3-6). Li Diose tskʼan ti xkamigointik leke, ‹ti xijxanav ta skotol li sbetake›, ‹ti jkʼantike xchiʼuk ti xijtun ta stojolal ta sjunul koʼontontike› (Deuteronomio 10:12; Salmo 25:14). Mi jech la jpastike, xuʼ me xijmuyubaj akʼo mi oy jvokoltik. Kʼalal chkichʼtik ta mukʼ li Jeovae, oy sbalil li jkuxlejaltike, yuʼun jnaʼojtik ti jaʼ ta jpastik li kʼusi lek chile.
JCHANTIK TO BATEL MAS
Jkʼeltik batel ti jaʼ svinajeb ti skʼanojutik Jeova kʼalal la spas li balumile xchiʼuk jkʼeltik ta Vivlia kʼu yuʼun la spasutik.
3. Li Jeovae tskʼan ti jkʼupin jkuxlejaltike
Kʼelik li VIDEOE xchiʼuk albeik skʼoplal li sjakʼobil liʼe:
¿Kʼu yuʼun toj kʼupil sba la spas balumil li Diose?
Kʼelik Eklesiastes 3:11 xchiʼuk albeik skʼoplal li sjakʼobil liʼe:
Jech kʼuchaʼal chal li tekstoe, ¿kʼusi oy ta yoʼonton Jeova ti akʼo jkʼupintike?
4. Muʼyuk jelem˗o li kʼusi oy ta yoʼonton Jeovae
Kʼelik Salmo 37:11, 29 xchiʼuk Isaias 55:11 xchiʼuk albeik skʼoplal li sjakʼobil liʼe:
¿Kʼuxi jnaʼojtik ti muʼyuk jelem˗o li kʼusi oy ta yoʼonton Jeovae?
Li jpʼej na ti mol xae xuʼ xichʼ chaʼmeltsanel. Jaʼ jech ek li balumil ti sokesoj li krixchanoetike. Li Diose xuʼ xchaʼmeltsan sventa te xnaki li lekil krixchanoetike.
5. Xijmuyubaj noʼox kʼalal chkichʼtik ta mukʼ li Jeovae
Xuʼ xijmuyubaj˗o kʼalal chkaʼibetik smelolal ti kʼu yuʼun la spasutik li Diose. Kʼelik li VIDEOE xchiʼuk albeik skʼoplal li sjakʼobil liʼe:
¿Kʼuxi la stabe sbalil Terumi kʼalal laj yaʼibe smelolal kʼu yuʼun ti laj kichʼtik pasele?
Kʼelik Eklesiastes 12:13 xchiʼuk albeik skʼoplal li sjakʼobil liʼe:
¿Kʼuxi xuʼ jtojbetik ta vokol Jeova skotol li kʼusi spasoj ta jtojolaltike?
JUNANTIKE XI TSJAK’IKE: «¿Kʼu yuʼun la spasutik li Kajvaltike? ¿Kʼu yuʼun ti talemutik ta balumile?».
¿Kʼusi van chatakʼ mi oy buchʼu jech la sjakʼbote?
¿KʼUSI LA ACHAN?
Li Jeovae oy ta yoʼonton ti jkʼupin jkuxlejaltik ta sbatel osil liʼ ta balumile xchiʼuk ti chʼabaluk jsetʼuk jvokoltike. Maʼuk noʼox, yuʼun xuʼ xijmuyubaj avi kʼalal chkichʼtik ta mukʼ ta sjunul koʼontontik li Jeovae.
Svulesobil ta joltik
¿Kʼu yuʼun la spas Adan xchiʼuk Eva li Jeovae?
¿Kʼuxi jnaʼojtik ti muʼyuk jelem˗o li kʼusi tskʼan Jeova ta jtojolaltike?
¿Kʼusi xuʼ skoltaot sventa xamuyubaj noʼoxe?
XUʼ TO XAKʼEL LIʼE
Kʼelavil kʼu yuʼun chkaltik ti oy toʼox ta melel li nichimaltik Edene.
«¿Mi jech ti oy toʼox li nichimaltik Edene o mi loʼil noʼox?» (Li Jkʼel-osil ta toyole, xchanobil)
Kʼelavil kʼu yuʼun jchʼunojtik ti muʼyuk chichʼ lajesel li balumile.
Kʼelavil kʼusi chal Vivlia ti kʼu yuʼun kuxulutike.
Kʼelavil kʼu yuʼun la snop jun vinik ti oy xa yuʼun skotol yaloje, pe laj yakʼ venta ti oy to kʼusi skʼan yuʼune.
a Li ta yan xchanobile, ta jkʼeltik kʼu yuʼun ti muʼyuk jech xkʼot ta pasele.