La xchon sbaik chaʼvoʼ tsebetik

Li ta kapitulo 23 ta Esekiele te ta xal li tsatsal mantal laj yichʼ akʼbel li steklumal Dios ta skoj ti muʼyuk tukʼ laj yakʼ sbae. Li ta kapitulo liʼe xkoʼolaj tajek kʼuchaʼal li kapitulo 16. Ta xchibal li kapituloe jaʼ onoʼox ta xalbe skʼoplal li jchonbail antse. Te chal ti Jerusalene jaʼ li mukile, yan li Samariae jaʼ li vixile. Ta xchibal li kapituloe chakʼ ta ilel ti mukile jaʼ la xchanbe li xvixe, ta tsʼakale mas to lik xchon sba kʼuchaʼal li xvixe. Li ta kapitulo 23 te ta xal Jeova kʼusi sbitak li tsebetike: li Oolae jaʼ li vixile ti jaʼ skʼoplal li Samariae, li kapital yuʼun li ajvalilal ta Israele ti jaʼ li lajunvokʼ nitilulale. Yan li Oolibae jaʼ li mukile ti jaʼ skʼoplal li Jerusalene, li kapital yuʼun li ajvalilal ta Judae (Esek. 23:1-4).a