2. ¿Kʼuxi xuʼ xkakʼtik ta ilel ti tukʼ chkakʼ jbatike?

Muʼyuk ta jtikʼ jbatik ta politika jech kʼuchaʼal la spas li Jesuse. Kʼalal laj yil krixchanoetik ti la spas jun milagro li Jesuse, tskʼan ox tsvaʼanik ta ajvalil liʼ ta balumile, pe li Jesuse muʼyuk la skʼan (Juan 6:15). ¿Kʼu yuʼun? Xi laj yal ta mas tsʼakale: «Maʼuk sventa balumil li Ajvalilal kuʼune» (Juan 18:36). Li yajtsʼaklomutik Kristo avie ep ta tos ti kʼu yelan chkakʼtik ta ilel ti tukʼ chkakʼ jbatike. Jun skʼelobile, jaʼ ti muʼyuk chijbat ta paskʼope (kʼelo Mikeas 4:3). Akʼo mi ta jtsaktik ta venta li kʼusi tstunesik sventa xichʼik ta mukʼ li jlumaltike, jech kʼuchaʼal li vanderae, muʼyuk ta jpastik saludar, yuʼun xkoʼolaj ti chkichʼtik ta mukʼe (1 Juan 5:21). Li voʼotike muʼyuk chkakʼ jbatik ta stojolal xchiʼuk muʼyuk ta jkontraintik mi junuk partido politiko o junuk kandidato. Taje jaʼ noʼox junantik ti kʼu yelan tukʼ chkakʼ jbatik ta stojolal li Ajvalilal yuʼun Diose.

4. Tukʼuk xkakʼ jbatik ta jnopbentik xchiʼuk ta kʼusitik ta jpastik

Kʼelik 1 Juan 5:21. Mi laje, kʼelik li VIDEOE xchiʼuk albeik skʼoplal li sjakʼobiltak liʼe:

VIDEO: Kʼu yuʼun skʼan mu xijxiʼ li melel yajtsʼaklomutik Kristoe: sventa mu jtikʼ jbatik ta spasel li kʼusitik sventa balumile (2:49)

• ¿Kʼu yuʼun muʼyuk la stikʼ sba ta partido li Ayenge xchiʼuk ti muʼyuk la spas saludar li vanderae?

• Kʼu xachi, ¿mi lek van li kʼusi kʼot ta nopel yuʼune?

¿Bu yan ti xuʼ van vokol chkaʼitik ti tukʼ chkakʼ jbatike? Kʼelik li VIDEOE xchiʼuk albeik skʼoplal li sjakʼobiltak liʼe:

VIDEO: Li kʼusi chakʼ jchantik «Li Jkʼel osil ta toyole»: Mu me jtikʼ jbatik li ta politikae (5:16)

• ¿Kʼuxi xuʼ tukʼ xkakʼ jbatik kʼalal tstsal sbaik ta tajimol li mukʼta lumetike?

• Kʼalal oy kʼusi tsnop tspasik li jpolitikoetik ti xuʼ jtabetik sbalil o ti xkil-o jvokoltike, ¿kʼuxi xuʼ xkakʼtik ta ilel ti tukʼ chkakʼ jbatike?

• ¿Kʼuxi xuʼ sjel jnopbentik li kʼusi chalik ta notisia o li krixchanoetike?