-
¿Buchʼu jaʼ li Jesuse?Chikintao kʼusi chal Dios sventa chakuxi sbatel osil
-
-
SVUKVOKʼAL
¿Buchʼu jaʼ li Jesuse?
Li Jeovae la stak tal ta balumil li Jesuse (1 Juan 4:9).
Mi ta jkʼantik lek chilutik li Jeovae, oy to buchʼu yan skʼan jchikintabetik, yuʼun tsots skʼoplal li stuk eke. Kʼalal jal toʼox tajek skʼan xichʼ pasel li Adane, li Jeovae la spas jun anjel ti ep sjuʼele.
Ta tsʼakale, li Jeovae la stak tal ta balumil sventa xvokʼ kʼuchaʼal jun olol. Oy jun tojol tseb ti nakal ta Belen ti jaʼ la svokʼese, Maria sbi. Jesus laj yakʼbeik sbi li olole (Juan 6:38).
Kʼalal ay ta balumil li Jesuse, laj yakʼ ta ilel slekil yoʼonton xchiʼuk kʼanvan kʼuchaʼal tspas li Jeovae. Jech oxal, li krixchanoetike nopajik ta stojolal. Jech xtok, muʼyuk xiʼ kʼalal laj yakʼ ta chanel li kʼusi melel ta sventa Jeovae.
Akʼo mi lek kʼusitik la spas li Jesuse, laj yichʼ pʼajel (1 Pedro 2:21-24).
Li jnitvanejetik ta relijione la spʼajik li Jesuse, yuʼun jamal laj yal li jecheʼ chanubtasel chakʼike xchiʼuk li smanyailike.
Jech xtok, li Jesuse la xpoxta li buchʼutik ipike xchiʼuk la xchaʼkuxes jlom animaetik.
Li jnitvanejetik ta relijione laj yakʼik ta majel xchiʼuk ta milel li Jesuse. Jaʼ majvanik xchiʼuk milvanik li jromaetike.
-
-
¿Kʼu yuʼun cham li Jesuse?Chikintao kʼusi chal Dios sventa chakuxi sbatel osil
-
-
XVAXAKVOKʼAL
¿Kʼu yuʼun cham li Jesuse?
Li Jesuse cham sventa xuʼ xijkuxi (Juan 3:16).
Kʼalal oxib xa ox kʼakʼal slajel li Jesuse, oy jlom antsetik ay skʼelbeik li smukinale, pe muʼyuk xa te oy. Yuʼun chaʼkuxesat xa ox yuʼun Jeova.
Ta tsʼakale, laj yakʼ sba ta ilel ta stojolal yajtakboltak.
Li Jeovae la xchaʼkuxes Jesus kʼuchaʼal jun espiritu ti ep sjuʼel xchiʼuk ti mu snaʼ xchame. Li yajtsʼaklomtake laj yilik kʼalal muy batel ta vinajele.
Li Diose la xchaʼkuxes li Jesuse xchiʼuk laj yakʼ ochuk ta Ajvalil li ta Ajvalilal yuʼune (Daniel 7:13, 14).
Li Jesuse laj yakʼ xkuxlejal sventa tspoj li krixchanoetike (Mateo 20:28). Ta skoj li pojelal taje, li Diose chalbutik ti xuʼ jtatik li kuxlejal sbatel osile.
Li Jeovae la stʼuj Jesus sventa x-och ta Ajvalil yoʼ sventain tal li balumile. Pe mu stukuk ch-ajvalilaj, tspas mantal xchiʼuk 144 mil tukʼil krixchanoetik ti chichʼik chaʼkuxesel sventa chbatik ta vinajele. Li Jesus xchiʼuk li 144 mile chkʼotik ta jun tukʼil ajvalilal, jaʼ li Ajvalilal yuʼun Diose (Apokalipsis 14:1-3).
Li Ajvalilal yuʼun Diose tskʼatajes ta jun paraiso li balumile. Chlaj skʼoplal li paskʼope, li milbaile, li povreale xchiʼuk li viʼnale. Chmuyubajik ta melel li krixchanoetike (Salmo 145:16).
-
-
¿Bakʼin chkʼataj ta paraiso li balumile?Chikintao kʼusi chal Dios sventa chakuxi sbatel osil
-
-
SBALUNVOKʼAL
¿Bakʼin chkʼataj ta paraiso li balumile?
Li vokoliletik oy avie jaʼ chakʼ ta ilel ti poʼot xa xventainvan li Ajvalilal yuʼun Diose (Lukas 21:10, 11; 2 Timoteo 3:1-5).
Skotol li kʼusitik yakal chkʼot ta pasel avie yaloj xa onoʼox li Vivliae. Laj yal ti mu xchʼunbe smantal stot smeʼik li ololetike, ti chbat ta yoʼontonik takʼin li krixchanoetike, ti simaronike xchiʼuk ti jaʼ chbat ta yoʼontonik li kʼusi tskʼan stukike.
Jech xtok, laj yal ti chtal tsatsal nikeletike, ti oy paskʼope, ti oy tsatsal viʼnale xchiʼuk chamel ta butikuk noʼox. Yakal chkʼot ta pasel avi skotol taje.
Li Jesuse laj yal xtok ti chichʼ cholel ta spʼejel balumil li lekil aʼyej sventa Ajvalilal yuʼun Diose (Mateo 24:14).
Tslajes skotol choplejal li Ajvalilal yuʼun Diose (2 Pedro 3:13).
Poʼot xa slajes skotol chopol krixchanoetik li Jeovae.
Chichʼik kastigo li Satanas xchiʼuk spukujtake.
Li buchʼutik chchikintaik kʼusi chal Diose te chkuxiik ta jun achʼ balumil ti bu chʼabal xa xiʼele, ti bu oy xa kʼanbail, jun oʼontonal xchiʼuk tukʼilale.
-