Mu xapas li kʼusi chopole (1 Korintios 6:9, 10).

Mi jkʼanojtik li Jeovae, muʼyuk ta jpastik li kʼusitik spʼajoje.

Li Jeovae mu skʼan ti xij-elkʼaje, ti xijyakube o ti jlajestik drogae.

Spʼajoj li milvaneje, li syalesel olole xchiʼuk ti tskʼupin sbaik ti xchiʼil noʼox sbaik ta vinikal o ta antsile. Mu skʼan ti jpichʼ oʼontatik li kʼulejale o ti jsaʼtik kʼope.

Skʼan mu xkichʼtik ta mukʼ lokʼoletik, mu jpastik espiritismo o akʼchamel.

Li buchʼutik tspasik li kʼusitik taje muʼyuk chkuxiik li ta balumil kʼalal kʼatajem xa ox ta paraisoe.

Paso li kʼusi leke (Mateo 7:12).

Sventa lek xilutik li Diose, skʼan xkakʼbetik yipal xchanbel stalelal.

Kakʼtik ta ilel ti jkʼanojtik yantik kʼalal chkakʼtik li kʼusi oy kuʼuntike.

Meleluk xijkʼopoj xchiʼuk lekuk kʼusi jpastik.

Kʼuxubinvanan xchiʼuk pasvanan ta perton.

Albo yantik ta sventa li Jeovae xchiʼuk li smantaltake (Isaias 43:10).

Napʼano aba ta stojolal Dios (1 Pedro 5:6-9).

Mu me xatikʼ aba ta spasel li kʼusitik nopem xaʼiik spasel krixchanoetik ti chal Vivlia ti muʼyuk leke. Sventa spas avuʼun taje, skʼan tsotsuk avoʼonton.

Mu xatikʼ aba ta politika, jaʼ noʼox tukʼ xavakʼ aba ta stojolal Jeova xchiʼuk li Ajvalilal yuʼune.

Kʼalal ta jchikintabetik li Diose, jaʼ li kʼusi mas toj lek xuʼ jpastike (Mateo 7:24, 25).

Batan li ta stsobajelik stestigotak Jeovae; jaʼ tskoltaikot sventa xavojtikin mas li Diose.

Jech-o xachanbe batel skʼoplal li Diose xchiʼuk akʼbo yipal ta xchʼunbel li smantaltake.

Mi tsots xa ox li xchʼunel avoʼontone, skʼan xavakʼ akuxlejal ta stojolal Jeova xchiʼuk xavichʼ voʼ (Mateo 28:19).

Chikintao kʼusi chal Dios. Kʼelo li Vivliae xchiʼuk albo stestigotak Jeova ti skoltaikot ta yaʼibel lek smelolale. Akʼo ta akuxlejal li kʼusitik chachane. Mi jech chapase, chakuxi sbatel osil (Salmo 37:29).