SJAKʼOBIL 1
¿Buchʼu jaʼ li Diose?
«Akʼo snaʼik krixchanoetik ti jaʼ Jeova li abie, ti voʼot noʼox atuk ti Buchʼu toj toyol oyot ta spʼejel balumile».
«Naʼik ti jaʼ Dios li Jeovae. Jaʼ la spasutik xchiʼuk jaʼ yuʼunutik».
«Voʼon Jeovaun, taje jaʼ jbi; muʼyuk chkakʼ ta yan li jmukʼulale, muʼyuk chkakʼ ti jaʼ xichʼ kʼupil kʼoptael li lokʼoletike».
«Skotol li buchʼu tskʼan vokol ta sbi Jeovae jaʼ chkol».
«Ta melel, oy buchʼu svaʼanoj li jujupʼej nae, pe jaʼ spasoj Dios skotol li kʼusitik oye».
«Toyo muyel asatik li ta vinajele xchiʼuk kʼelavilik. ¿Buchʼu spasoj li kʼusitik te oye? Jaʼ li buchʼu tsbeiltas kʼuchaʼal soltaroetik li kʼusitik tee xchiʼuk ti xchapoj lek kʼu yepal oye; ta skʼopon ta sbi skotolik. Ta skoj ti toj echʼ noʼox yipe xchiʼuk ti toj labal sba li sjuʼele, mi jpʼejuk ta xchʼay batel».