SJAKʼOBIL 7
¿Kʼusi laj yal Vivlia ta sventa li jkʼakʼaliltike?
«Chlik skontrain sbaik jujun mukʼta jteklum, chlik skontrain sbaik ajvaliletik [...]. Skotol li kʼusitik taje jaʼ to noʼox slikeb vokolil».
«Ta x-ayan ep jloʼlavanej j-alkʼopetik, ep buchʼutik tsloʼlaik xchiʼuk ta skoj ti ch-epaj li choplejale, mas xa ep li krixchanoetik ti muʼyuk chkʼanvanike».
«Kʼalal chavaʼiik ti oy paskʼop liʼe xchiʼuk ti oy paskʼop ta nome, mu me xaxiʼik; persa chkʼot ta pasel skotol li kʼusitik taje, pe maʼuk to me li slajebe».
«Ta x-echʼ tsatsal nikeletik, chlik viʼnal xchiʼuk tsatsal chamel ta buyuk noʼox; jech xtok, chichʼ ilel kʼusitik toj xibal sba xchiʼuk chvinaj mukʼtik senyailtak ta vinajel».
«Chtal tsots vokolil li ta slajebal xa kʼakʼale, toj echʼ noʼox xibal sba. Yuʼun tskʼan sba stuk li krixchanoetike, batem ta yoʼontonik takʼin, stuk noʼox lek chaʼi sbaik, jpʼel xalik, chchopol kʼoptavanik, mu xchʼunbe smantal stot smeʼik, mu kʼusi snaʼ stojik ta vokol, muʼyuk stukʼil yoʼontonik, muʼyuk xa kʼanbail kʼuchaʼal stalel onoʼox jeche, mi jutebuk oy ta yoʼontonik tspas ta jmoj skʼopik, chchopol loʼiltavanik, mu snaʼ spajes sbaik, simaronik, muʼyuk skʼanojik li kʼusi leke, j-akʼvanejetik ta kʼabal, pimik ta mantal, xtoyet xa tajek chaʼi sbaik, jaʼ skʼanojik li kʼusi kʼupil sba chaʼi stukike, jaʼ muʼyuk skʼanojik li Diose, yichʼojik ta mukʼ Dios yilel, pe muʼyuk jech yakal tspasik».