SJAKʼOBIL 10
¿Kʼusi chal Vivlia ti chkʼot ta pasel ta mas jelavele?
«Chuʼuninik balumil li buchʼutik tukʼike xchiʼuk te chkuxiik-o sbatel osil».
«Li balumile te oy-o sbatel osil».
«Li Diose ta slajesbe skʼoplal ta sbatel osil li lajelale xchiʼuk ta skus lokʼel skotol yaʼlel satil li Ajvalil Jeova ti jaʼ Mukʼul Jpasmantale».
«Li vaʼ kʼakʼale, chjam satik li maʼsatetike xchiʼuk chjam xchikinik li pakʼchikinetike. Li vaʼ kʼakʼale, ta xpʼitomajik kʼuchaʼal teʼtikalchij li koxoetike xchiʼuk ch-avanik ta muyubajel li umaʼetike. Ta xlik lokʼuk tal voʼ li ta takixokol balumile xchiʼuk ch-ayan ukʼumetik li ta stenlejaltik ti takin tajeke».
«Tskusbat skotol yaʼlel satik yuʼun li Diose, muʼyuk xa lajelal, muʼyuk xa at-oʼonton, muʼyuk xa okʼel ta skoj vokolil xchiʼuk mi jaʼuk xa kʼusi kʼux chkaʼitik. Jelav xa skʼoplal skotol li kʼusitik oy toʼoxe».
«Ta xlik svaʼan snaik sventa te chnakiik, ta stsʼun s-uvaik sventa tslobeik sat. Muʼyuk bu tsvaʼanik naetik ti yan-o xa buchʼu te chnakie mi jaʼuk tstsʼunolajik ti yan-o xa buchʼu tslajesbe sate. Yuʼun ti kʼu sjalil kuxul li jtekʼ teʼe, jaʼ jech sjalil chkuxi li jteklumale xchiʼuk ta skʼupinik lek yabtel skʼobik li buchʼutik jtʼujoje».