Макем юн тон оскиськод Иеговалэн кыл сётонъёсызлы?

Иисус Навин но Соломон, быдэсак оскыса, веразы, Иеговалэн кыл сётонъёсыз пӧлысь ӧдӥгез но быдэсмытэк кыльыны уг быгаты шуыса (ИсН 23:14; 3Эк 8:56). Та кык оскымон адӟисьёслэн кылъёссы милесьтым осконмес эшшо но юнмато (2Кр 13:1; Тит 1:2).

Кызьы Иегова аслэсьтыз кылзэ быдэстӥз Иисус Навин улон нуналъёсы? Семьяеныд ӵош учкы «Одӥгез но кыл быдэсмытэк ӧз кыльы» видеопостановкаез (ӟуч) но та юанъёслы валэктонъёс сёт: 1) Кызьы тон адӟем карыны быгатӥськод Раавлэсь, кудӥз осконзэ ужъёсыныз возьматӥз? (Евр 11:31; Иак 2:24—26). 2) Кызьы Аханэн луэм учыр возьматэ, адями, кудӥз Инмарлэсь валаса вылысь уг кылзӥськы, шугадӟонэ вуоз шуыса? 3) Гаваонын улӥсьёс кышкасьтэм ожгарчиос вал ке но, малы соос Иисус Навинэз пӧязы но израиль калыкен тупанкыл кутӥзы? 4) Кызьы Иеговалэн кылыз быдэсмиз, куке вить аморрей эксэйёс Израильлы пумит султӥзы? (ИсН 10:5—14). 5) Кызьы Иегова тон сярысь сюлмаськиз, куке тон уж вылын возьматӥд, Инмарлэсь Эксэйлыксэ но Солэсь шонерлыксэ нырысетӥ интые пуктӥськод шуыса? (Мф 6:33).

Куке ми малпаськиськомы со вылын, мар Иегова лэсьтӥз азьвыл, мар со лэсьтэ али но мар со лэсьтоз азьланяз, ми солэн кыл сётонъёсызлы осконмес юнматӥськомы (Рм 8:31, 32).