Инмар «азьвыл лэсьтэм вань сьӧлыкъёсты... куштӥз»

Инмар сьӧлыкъёсты простить карыны быгатэ Иисуслэн мозмытӥсь курбонэзлы луыса гинэ (Еф. 1:7). Но Библиын гожтэмын, Инмар «азьвыл лэсьтэм вань сьӧлыкъёсты... куштӥз» шуыса, яке со сьӧлыкъёсты куштӥз Иисуслэн адямиос понна улонзэ сётэмезлэсь азьло (Рим. 3:25). Кызьы Иегова сьӧлыкъёсты простить карыны быгатӥз Иисуслэн кулэмезлэсь азьло но ӧз тӥя-а со аслэсьтыз законъёссэ?

Куке Иегова «кидыс-выжы» потоз шуыса кылзэ сётӥз, солэн син азяз дун тыремын вал ини (Ул.-выл. 3:15; 22:18). Иегова быдэсак оскиз, пуктэм дыре солэн Пиез аслэсьтыз улонзэ дась луыса сётоз шуыса (Гал. 4:4; Евр. 10:7—10). Музъем вылын улыкуз, Иисус сьӧлыкъёсты простить карыны быгатӥз, малы ке шуоно со тодӥз, солэн курбонэз оскись адямиосты сьӧлыкъёслэсь мозмытоз шуыса (Матф. 9:2—6).