8 урок

Инмарлэн тушмонъёсыз. Кинъёс со?

Главной тушмонэз Инмарлэн — Шайтан Дьявол. Со духовной кылдытэм, кудӥз Иеговалы пумит ӝутскиз. Шайтан асьме дырэ но Инмарлы пумит нюръяськон нуэ, но адямиослы трос куректон вае. Шайтан урод. Со пӧяськись но адями виись (Иоанн 8:44).

Мукет духовной кылдытэмъёс но огкылӥсь султизы Шайтанэн, Инмарлы пумит. Библия ним сётэ соослы — убиръёс. Шайтан кадь ик убиръёс — адямиослэн тушмонъёссы луо. Соослы кельше адямиослы куректон вайыны (Матфей 9:32, 33; 12:22). Иегова пырак азелы быдтоз Шайтанэз но солэсь убиръёссэ. Соослы ӧжыт дыр кылӥз ини адямиослы куректон вайыны (Усьтӥськон 12:12).

Тынад Инмарлэн эшез луэмед потэ ке, тыныд кулэ ӧвӧл лэсьтын, мар тыныд косэ Шайтан. Шайтан но солэн убиръёсыз Иеговаез адӟонтэм каро. Соос Инмарлэн тушмонъёсыз, соослэн потэ, тон но Инмарлэн тушмонэз мед луод. Тыныд бырйын кулэ: кинлэн мылкыдызъя тон лэсьтод, Шайтанлэн-а яке Иеговалэн-а? Тынад пырак улэмед потэ ке, тыныд кулэ Инмарлэсь эриксэ быдэсъян. Шайтанлэн трос кескич амалъёсыз, кызьы адямиосыз пӧялляны. Трос адямиосыз со янгыше уськытӥз ини (Усьтӥськон 12:9).