Иосиялэн умой эшъёсыз вал

Котьку-а капчи шонер ужъёс лэсьтыны?~ Тросэзлы адямиослы котьку ик капчи ӧвӧл. Библиын верамын, со тужгес но секыт вал шуыса Ио́сия нимо пичи пияшлы. Но солэн умой эшъёсыз вал, кудъёсыз юртто вал солы. Ойдо матэгес тодматскомы Иосияен но солэн эшъёсыныз.

Жаляса верано луэ, солэн Амо́н атаез, кудӥз Иуде́ялэн эксэез вал, туж урод ужъёс лэсьтыса улӥз но сульдэръёслы йыбыртъяз. Амон кулэм бере Иосия со интые эксэй луиз. Соку солы тямыс арес гинэ вал! Луиз-а Иосия атаез кадь ик урод адями? Кызьы тон малпаськод?~ Чик но ӧз!

Иосия пичи дыръяз но Иеговалэсь кылзӥськыса улыны тыршиз. Соин ик со аслыз эшъёс бырйиз соос пӧлысь гинэ, кинъёс Иеговаез яратӥзы. Соос Иосиялы шонер ужъёс лэсьтыны юртто вал. Кинъёс меда солэн эшъёсыз вал?

Эшъёсыз пӧлысь одӥгез — Софо́ния. Со пророк вал. Со азьло ик вералляз Иудеяын улӥсьёслы, соос сульдэръёслы йыбыртъязы ке, курадӟонъёсын пумиськозы шуыса. Иосия Софониялэсь кылзӥськиз, соин ик со сульдэръёслы ӧз йыбыртъя, нош Иеговалы йыбыртъяз.

Озьы ик Иосия Иереми́яен эшъяське на вал. Соос огъёзъёс вал но пичи дыръязы ог-огзылэсь кыдёкын ик ӧз улэ. Соос туж умой эшъёс вал, соин ик, куке Иосия кулӥз, Иеремия кырӟан гожтӥз. Со кырӟанын со вераз, макем солы Иосиятэк мӧзмыт вал. Иеремия но Иосия огзылы огзы шонер ужъёс лэсьтыны но Иеговалэсь кылзӥськыса улыны юрттӥзы.

Малы ми Иосиялэсь дышетскыны быгатӥськомы?~ Иосия пичи дыръяз но шонер ужъёс лэсьтыны тыршиз. Со тодэ вал, эшъяськыны кулэ шуыса соосын гинэ, кинъёс Иеговаез ярато. Тон но тыршы эшъёс бырйыны соос пӧлысь, кинъёс Иеговаез ярато. Соос юрттозы тыныд котьку шонер ужъёс лэсьтыны!