Мар вера Библия вина юон сярысь?

Пӧртэм интыосын улӥсь адямиос вина юон шоры пӧртэм сямен учко. Кин ке но пумит ӧвӧл эшъёсыныз ӵош пичияк юыны, кин ке но чик уг юы. Вань сыӵеосыз но, кинъёс визьзэс ыштытозь ик юо. Нош мар вера Библия вина юон сярысь?

1. Лэзе-а Библия вина юыны?

Библиын верамын ӧвӧл, вина юыны уг яра шуыса. Отын верамын, Инмар «адямилэсь сюлэмзэ шулдыр карыны» вина сётӥз шуыса (Псалтирь 103:14, 15). Со сяна, Библиын верамын Иеговалэн вашкала ужась-тыршисьёсыз но вина юизы шуыса (1 Тимофейлы 5:23).

2. Кыӵе визь-кенеш сётэ Библия вина юон сярысь?

Иегова уг яраты, куке адями визьзэ ыштытозь ик юэ яке юыса улэ (Галатъёслы 5:21). Библиын верамын: «Винаен усыкмемъёс пӧлын... эн улы» (Мадёнъёс 23:20). Соин ик, огнады дыръя но, усыкмытозь ик юыны уг яра — мар каремдэс, мар верамдэс мед валалоды. Нош пичи гинэ юыса дугдэмды уг луы ке, соку одӥг ымтыр но эн юэ.

3. Кызьы возьматоно, мукетъёсызлэсь быръёнзэс гажаськомы шуыса?

Котькуд адями ачиз ужпум кутэ, вина юоно-а, ӧвӧл-а. Кин ке но вина юыны малпаз ке, милемлы сое судъяно ӧвӧл. Озьы ик милемлы кужмысь косоно ӧвӧл вина юыны сое, кинлэн юэмез уг поты (Римъёслы 14:10). Со сяна, ми шӧдӥськомы ке, вина юэммес адӟыса, мукетъёсыз асьсэды умойтэм шӧдозы шуыса, милемлы юоно ӧвӧл. (Лыдӟе Римъёслы 14:21.) Библиын верамын: «Нокин но аслыз пайда медаз утча, мукетызлы мед утчалоз». (Лыдӟе 1 Коринфъёслы 10:23, 24.)

МУРГЕС ЭСКЕРЕ

4. Асьтэос малпалэ, вина юоно-а, ӧвӧл-а

Кызьы учкиз Иисус вина юон шоры? Сое тодон понна, ойдолэ тодамы ваёмы Иисуслэсь нырысетӥзэ паймымон ужзэ. Лыдӟе Иоаннлэсь 2:1—11 но та юанъёслы валэктонъёс сётэ:

• Кызьы та учырысь адӟиське, кызьы учкиз Иисус вина юон шоры но соос шоры, кинъёс вина юизы?

• Иисус вина юонлы пумит ӧй вал ке, соку кызьы учконо милемлы христианъёс шоры, кудъёсыз вина юо?

Христианъёслы вина юыны яра ке но, вань учыръёс, куке юыны уг яра. Лыдӟе Мадёнъёсты 22:3 но малпаське, юоды-а тӥ, уд-а таӵе учырын:

• тӥледлы руль сьӧры пуксёно яке кыӵе ке техникаен ужано;

• тӥ — секытэн луэм кышномурт;

• эмъясь вина юыны ӧз лэзьы;

• тӥ юонлэсь эсэпсэ уд валаське;

• шаерысь катъя, юыны уг яра;

• тӥ вӧзын адями, кудӥз трос юыса улӥз, нош али дугдӥз.

Яра-а кудӟытӥсь юон пуктыны сюанын яке куноос лыктӥзы ке? Сое тодон понна, учке та видеороликез. Учке ВИДЕОРОЛИКЕЗ.

ВИДЕОРОЛИК: «Сюанын аракы ӵектоно-а?» (2:41)

Лыдӟе Римъёслы 13:13 но 1 Коринфъёслы 10:31, 32. Котькуд люкетэз лыдӟемды бере та юанлы валэктон сётэ:

• Кызьы та возет юрттоз тӥледлы Иеговалы ярамон ужпум кутыны?

5. Азьло ик малпалэ, кӧня тӥледлы юыны яра

Иегова лэзе вина юыны, но трос юыны уг лэзьы. Малы? Лыдӟе Осиялэсь 4:11, 18 но та юанлы валэктон сётэ:

• Мар луыны быгатоз, адями трос юиз ке?

Мар кароно, трос медам юэ шуыса? Со понна зӥбыт-востэм луоно, яке валано, ку дугдоно. Лыдӟе Мадёнъёсты 11:2 но та юанлы валэктон сётэ:

• Малы азьло ик малпаськоно, кӧня мыным юыны яра, нош кӧня трос луоз ини?

6. Кызьы вина юонлэсь куштӥськоно

ВИДЕОРОЛИК: «Мыным туж акыльтӥз таӵе улонэ» (6:32)

• Кызьы ассэ возиз Дима юэм дыръяз?

• Быгатӥз-а со юонэзлэсь ӝог куштӥськыны?

• Мар юрттӥз солы урод сямзэ вормыны?

Лыдӟе 1 Коринфъёслы 6:10, 11 но та юанъёслы валэктонъёс сётэ:

• Макем бадӟым сьӧлык луэ юыса улон?

• Кызьы та кылбуръёс возьмато, юыса улӥсьёс урод сямзылэсь куштӥськыны быгато шуыса?

Лыдӟе Матфейлэсь 5:30 но та юанлы валэктон сётэ:

• Та кылбур верамъя, Иеговаез шумпоттэммы потэ ке, милемлы дась луоно кыӵе ке ыштонъёсты но чиданы. Мар карыны быгатӥськоды тӥ, юонлэсь куштӥськемды потэ ке?a

Лыдӟе 1 Коринфъёслы 15:33 но та юанлы валэктон сётэ:

• Мар луоз, тӥ эшъяськиды ке соосын, кинъёс трос вина юо?

ТОДЭ ВАЁН

Иеговалэн потэ вал, адямиос вина юыса шумпотон мед басьтозы шуыса. Но Иеговалы уг кельшы, куке адямиос визьзэс ыштытозь ик юо яке ялан юыса уло.

Мае тон тодӥд?

• Мар верамын Библиын вина юон сярысь?

• Маин кышкыт трос вина юон?

• Кызьы возьматомы, мукетъёсызлэсь быръемзэс гажаськомы шуыса?

ТРОСГЕС ТОДЭ

Мар юрттоз егитъёслы валаны, юоно-а, ӧвӧл-а?

«Малпаськы, кытчы вуттоз юон» 2:31

Мар юрттоз вина юонлэсь куштӥськыны?

«Вина юон шоры шонер учке» («Возьмаськон башня», 2010-тӥ ар, 1-тӥ толшор)

Яра-а христианъёслы тост вераны?

«Лыдӟисьёслэн юанъёссы» («Возьмаськон башня», 2007-тӥ ар, 15-тӥ тулыспал)

Лыдӟе «Эше монэ пыдэстэм бекчеен нимаз» статьяез но тодэ, кызьы одӥг пиосмурт юонлэсь куштӥськиз.

«Библия улонэз воштэ» («Возьмаськон башня», 2012-тӥ ар, 1-тӥ куартолэзь)