49-ТӤ УРОК

Мар кароно, семьяды шудо мед луоз шуыса? (1-тӥ люкет)

Печатлам вариант

Кузпалъяськыкузы адямиос малпало, соос котьку шудо улозы шуыса. Нош озьы луыны быгатэ-а? Быгатэ. Трос христиан семьяос вань, кудъёсыз кемалась кузпалъяськемын ини, озьы ке но соос шудоесь. Малы? Малы ке шуоно соос Библиысь визь-кенешъёсъя уло.

1. Кыӵе визь-кенеш сётэ Библия картъёслы?

Иегова картэз семьялы йыр кариз. (Лыдӟе Ефесъёслы 5:23.) Со возьма, карт быдэс семьяез сярысь сюлмаськоз шуыса. Библия картъёслы таӵе визь-кенеш сётэ: «Яратэлэ асьтэлэсь кышноостэс» (Ефесъёслы 5:25). Кызьы карт кышнозэ яратэмзэ возьматыны быгатэ? Яратӥсь карт кышноеныз ассэ лякытэн возе адямиос азьын но, огназы дыръя но. Карт тырше кышнозэ утьыны. Со тырше, кышноез ӝоже медаз усьы но солэн ваньмыз кулэез мед луоз шуыса (1 Тимофейлы 5:8). Нош самой валтӥсез — карт юрттэ кышноезлы Иеговаен матысь кусыпъёс возьыны (Матфей 4:4). Кылсярысь, со кышноеныз ӵош вӧсяське но Библиез лыдӟе. Куке карт кышнозэ яратэ но ассэ лякытэн возе, соку солэн Иеговаен кусыпъёсыз эшшо но юнгес луо. (Лыдӟе 1 Пётрлэсь 3:7.)

2. Кыӵе визь-кенеш сётэ Библия кышноослы?

Библиын верамын: «Кышномурт аслэсьтыз картсэ гажаса, сӥлы карыса мед улоз» (Ефесъёслы 5:33). Кызьы кышномурт возьматоз, аслэсьтыз картсэ гажа но сӥлы каре шуыса? Со понна солы картэзлэсь умой сямъёссэ адӟоно но малпаськоно, макем трос лэсьтэ картэз семьяез понна. Со сяна, кышно юрттыны кулэ картэзлы кутэм ужпумъёссэ быдэстыны. Озьы ик, кышно картсэ гажа ке, со соин лякытэн вераськоз но картэз сярысь мукет адямиослы уродзэ уз вера, картэз Иеговалы уг оскы ке но.

3. Мар кароно кузпалъёслы, кусыпъёссэс юнматон понна?

Библиын верамын: «Кыкназы одӥг лулмугор луозы» (Матфей 19:5). Озьыен, кузпалъёслы тыршоно, номыр но соослэсь кусыпъёссэс медаз сӧры шуыса. Со понна соослы ог-огенызы дырзэс ортчытъяно но ог-огенызы номыре ватытэк но лякытэн вераськоно. Картлэн но кышнолэн улоназы нырысетӥ интыын луыны кулэ Иегова. Солы сяна, нокинлы но, номырлы но лэзёно ӧвӧл асьсэлэн куспазы пырыны. Соослы тужгес но чакласьконо, кузпалзы луисьтэм муртэн матысь кусыпъёссы медаз кылдэ шуыса.

МУРГЕС ЭСКЕРЕ

Тросгес тодэ, Библиысь кыӵе визь-кенешъёс юрттозы кусыпъёстэс юнматыны.

Кузпалъёс кизэс кутыса сыло но паляса ог-огзы шоры учко. «Шудо кузпалъёс кусыпъёссэс юнмато» суредъёс.

4. Картъёс, кышноостэс яратэ но соос сярысь сюлмаське

Библиын верамын, «воргоронъёс но асьсэлэсь кышнооссэс асьсэлэсь мугорзэс кадь яратыны кулэ» шуыса (Ефесъёслы 5:28, 29). Нош мар кароно со понна? Учке ВИДЕОРОЛИКЕЗ но юанлы валэктон сётэ.

ВИДЕОРОЛИК: «Картъёс, кышноостэс асьтэды асьтэос кадь яратэ» (9:53)

Кызьы карт ужъёсыныз возьматыны быгатэ, кышнозэ яратэ но со сярысь сюлмаське шуыса?

Лыдӟе Колоссыослы 3:12 но та юанлы валэктон сётэ:

Кызьы карт таӵе сямъёсыз возьматыны быгатоз?

Карт висись кышноезлы изён интыяз чай вае.

5. Кышноос, картъёстэс яратэ но гажалэ

Библия ӧте кышномуртъёсты картъёссэс гажаса улыны, соос Иеговалы уг йыбыртъяло ке но. Лыдӟе 1 Пётрлэсь 3:1, 2 но та юанъёслы валэктонъёс сётэ:

Тӥляд картты Иеговалы уг йыбыртъя ке, тӥляд потэ, дыр, со но Иеговаез мед яратоз шуыса. Мар кароно сыӵе учырын: карттылы ялан Иегова сярысь верано яке умойгес луоз умой но гажась кышно луыны? Малы тӥ озьы малпаськоды?

Ӵем дыръя кышно но карт ӵош, кенешыса ужпум куто. Но куддыръя кышно картэныз соглаш уг луы. Соку кышнолы аслэсьтыз малпанъёссэ лякытэн но гажаса верано. Но солы тодаз возёно, карт ужпум кутэ шуыса. Малы ке шуоно озьы Иеговаен малпамын вал. Соин ик кышнолы картэзлэсь кутэм ужпумзэ гажано но юрттоно солы. Озьы кышномурт семьяязы тупаса улон ваёз. Лыдӟе 1 Пётрлэсь 3:3—5 но та юанлы валэктон сётэ:

Кызьы учке Иегова, куке кышно картсэ гажа?

6. Семьяысь шуг-секытъёсты вормыны луэ

Семьяын шуг-секытъёстэк уг луы. Соин ик кузпалъёслы огкылысь но кенешыса улыны тыршоно. Учке ВИДЕОРОЛИКЕЗ но юанъёслы валэктонъёс сётэ.

ВИДЕОРОЛИК: «Кызьы кузпалъёслы кусыпъёссэс юнматоно» (5:44)

Кытысь адӟиське, та кузпалъёслэн кусыпъёссы сӧриськыны кутскизы шуыса?
Мар соос каризы, кусыпъёссэс юнматон понна?

Лыдӟе 1 Коринфъёслы 10:24 но Колоссыослы 3:13. Котькудзэ кылбурез лыдӟемды бере та юанлы валэктон сётэ:

Кызьы та визь-кенеш юрттоз кузпалъёслы кусыпъёссэс тупатыны?

Библиын верамын, ог-огдэ гажаны кулэ шуыса. Нош ми гажаммес возьматомы, лякытэсь луимы ке, ог-огмылэсь малпанъёсмес но шӧдонъёсмес лыдэ басьтӥмы ке. Лыдӟе Римъёслы 12:10 но та юанъёслы валэктонъёс сётэ: