51-ТӤ УРОК
Кызьы вераськонэнымы Иеговаез шумпоттоно?
Котькуд адями вераськыны быгатэ. Со Иеговалэн кузьымез. Вераськонмы Иеговаез ӝоже уськытыны яке шумпоттыны быгатэ. (Лыдӟе Иаковлэсь 1:26.) Кызьы милемлы мукетъёсыныз вераськоно, Иеговаез шумпоттон понна?
1. Кызьы вераськоно?
Библия ӧте милемыз: «Ог-огдылэсь мылкыддэс ӝутэ, ог-огдэс юнматэ» (1 Фессалоникаослы 5:11). Малпалэ, тодмоосты пӧлысь кинлэн мылкыдыз куашкамын. Мар тӥ карыны быгатысалды, солэсь мылкыдзэ ӝутон понна? Вералэ солы, тӥ сое дунъяськоды шуыса. Кылсярысь, вералэ, кыӵе сямыз тӥледлы тужгес но кельше. Оло нош, тӥ Библиысь кыӵе ке кылбурез бырйыны быгатысалды, сое юнматон понна. Озьы ик тодады возе, кылъёсты быръем сяна, кулэ чакланы, кыӵе куараен тӥ вераськоды. Соин ик котьку лякытэн но небыт куараен вераськыны тырше (Мадёнъёс 15:1).
2. Кызьы вераськоно ӧвӧл?
Библиын верамын: «Нокыӵе но сисьмем кыл тӥляд ымысьтыды медаз поты». (Лыдӟе Ефесъёслы 4:29.) Ми тышкаськон, лек но вӧсь карись кылъёсын ум вераськиське. Озьы ик ми мукетъёсыз сярысь кыл нуллыса ум ветлӥське. (Лыдӟе Мадёнъёсты 16:28.)
3. Кызьы верам кылъёсынымы мукетъёссэ юнматоно?
Ӵем дыръя ми вераськомы сое, мае малпаськомы но мае шӧдӥськомы (Лука 6:45). Соин ик милемлы тыршоно малпаськыны «шонерлыкоез, чылкытэз, гажамонэз, данъяны луымонэз» сярысь (Филиппыослы 4:8). Та кылъёс возьмато, милемлы туж чакласькыса бырйыны кулэ шуыса, кызьы но кинэн ми дырмес ортчытӥськомы (Мадёнъёс 13:21). Со сяна, вераммылэсь азьло милемлы малпаськоно, верам кылъёсмы мукетъёссэ вӧсь уз каре-а шуыса. Библиын верамын: «Юнме кыл тэкшерись пуртэн кадь вандэ, нош визьмо муртлэн кылыз эмъя» (Мадёнъёс 12:18).
МУРГЕС ЭСКЕРЕ
Ойдолэ тодомы, кызьы вераськоно, Иеговаез мед шумпоттомы но мукетъёссэ мед юнматомы шуыса.
4. Чаклалэ ку, мае но кызьы верано
Ми ваньмы дырын-дырын вераськомы сое, мар сярысь берло жаляськомы (Иаков 3:2). Лыдӟе Галатъёслы 5:22, 23 но та юанъёслы валэктонъёс сётэ:
Та сямъёс пӧлысь кудъёсыз юрттозы тӥледлы вераськемдэс чакланы? Кызьы соос юрттыны быгатозы? Кыӵе сям курыса, тӥляд Иеговалы вӧсяськемды потэ?
Лыдӟе 1 Коринфъёслы 15:33 но та юанлы валэктон сётэ:
Кызьы вераськемды вылын шӧдӥськоз со, кызьы тӥ ваньмон дырдэс ортчытӥськоды но кыӵе эшъёс бырйиськоды?
Малы тӥ мукет адямиосын уродэн яке лякытэн вераськыны быгатӥськоды?
Лыдӟе Екклесиастэз 3:1, 7 но та юанлы валэктон сётэ:
Кыӵе учыре умойгес луоз номыр вератэк кыльыны яке малпандэ мукет дыре вераны?
5. Мукетъёсыз сярысь умойзэ вералэ
Мар кароно, верам кылъёсмы мукетъёссэ ӝоже медаз уськытэ шуыса? Учке ВИДЕОРОЛИКЕЗ но юанъёслы валэктонъёс сётэ.
Малы та агай мукетъёсыз сярысь уродзэ верамысь дугдӥз?
Мар со кариз со понна?
Лыдӟе Екклесиастэз 7:16 но та юанлы валэктон сётэ:
Мае тодамы возёно, куке милям мукетъёсыз сярысь мае ке уродзэ вераммы потэ?
Лыдӟе Екклесиастэз 7:21, 22 но та юанлы валэктон сётэ:
Кызьы та кылбуръёсысь малпанъёс юрттозы тӥледлы кӧттэс ӝож карытэк улыны, тӥ сярысь уродзэ веразы ке?
6. Семьяяды лякытэн но яратыса вераське
Иеговалэн потэ, ми семьяямы лякытэн но яратыса мед вераськомы шуыса. Учке ВИДЕОРОЛИКЕЗ но юанлы валэктон сётэ.
Мар юрттоз тӥледлы семьяяды лякытэн вераськыны?
Лыдӟе Ефесъёслы 4:31, 32 но та юанлы валэктон сётэ:
Кызьы вераськоно семьяенымы, соос мед шӧдозы, ми соосты яратӥськомы шуыса?
Иегова шонерак вераз, аслэсьтыз Пизэ, Иисусэз, яратэ шуыса. Лыдӟе Матфейлэсь 17:5 но та юанъёслы валэктонъёс сётэ:
Кыӵе пример возьматӥз Иегова, кызьы семья пушкын вераськоно? Кызьы тӥ солэсь адӟем карыны быгатоды?
Малпаське, мар понна мукетъёссэ ушъяны луоз
КИН КЕ НО ВЕРАНЫ БЫГАТОЗ: «Мае потэ, сое ик верасько. Кинлы уг кельшы — медаз кылзы».
Соглаш-а тӥ та веранэн? Валэктэ.
ТОДЭ ВАЁН
Ми кылъёсынымы юнматыны яке вӧсь карыны быгатӥськомы. Соин ик милемлы туж чакласьконо, мае ми вераськомы, ку но кызьы.
Мае тон тодӥд?
Вералэ примеръёс, кызьы кылъёсын адямиез буйгатыны но юнматыны луоз.
Кызьы но кыӵе кылъёсын тӥляд вераськемды уг поты?
Мар юрттоз котьку лякытэн но умойзэ гинэ вераны?
ТРОСГЕС ТОДЭ
Мар юрттоз юнматӥсь кылъёсын вераськыны?
Лыдӟе но тодэ, мар юрттоз урод кылъёс кутытэк вераськыны.
Учке но тодэ, мар кароно, огшоры вераськон супыльтонлы медаз пӧрмы шуыса.
Лыдӟе но тодэ, кызьы Иегова юрттӥз одӥг пиосмуртлы тышкаськон кылъёсын вераськемысь дугдыны.