Кивалтӥсь Кенешын Выль Агай

ӴУКНА, 2018-тӥ арын 24-тӥ толшоре, Огазеяськем Штатъёсысь но Канадаысь вефиль семьяослы кулэ луись ялон веразы, Кеннет Кук агай Иеговалэн Адӟись-Ивортӥсьёсызлэн Кивалтӥсь кенешазы пыриз шуыса.

Кук агай вордскиз но будӥз США-ын, Пенсильвания штатын. Со зэмлыкез тодӥз ӵош дышетскисезлэсь школазэ быдтон азяз но 1980-тӥ арын 7-тӥ инвожое пылатӥськиз. 1982-тӥ арын 1-тӥ куарусёнэ Кук агай пионер луиз, нош кык ар ортчыса, 1984-тӥ арын 12-тӥ коньывуонэ, со Уолкиллын (Нью-Йорк штат) Вефильын ужаны-тыршыны кутскиз.

Собере 25 ар ӵоже Кук вын-агай типографиын но Вефильлэн бюрояз пӧртэм ужъёсты быдэсъяз. 1996-тӥ арын со Джейми сузэрез кышно басьтӥз, но соос ӵош Уолкиллын Вефильын ужан-тыршонзэс азьланьтӥзы. 2009-тӥ арын Кук кузпалъёсты Возьмаськон Башнялэн дышетскон центраз ыстӥзы, кудӥз интыяськемын Паттерсонын (Нью-Йорк штат). Отын Кук агай ужаны-тыршыны кутскиз ёзэтын, кудӥз лыдӟисьёслэн юанъёссылы валэктонъёс сётъяз. 2016-тӥ арын оштолэзе Кук кузпалъёс огдырлы Уолкиллэ берытскизы, нош собере соосты ыстӥзы Бруклинэ (Нью-Йорк). Вить толэзь ортчыса, соос Уорвикысь (Нью-Йорк штат) дунневыл валтӥсь кивалтонние вуизы. 2017-тӥ арын толшоре Кук агаез Кивалтӥсь кенешлэн Гожъяськон комитетэзлы юрттӥсь каризы.