Ужан-тыршон быгатонлыкъёсмес умоятӥськомы. Кызьы Библиез дышетон планъёсты уже кутоно

Малы со кулэ. Библиез дышетон планъёс — со туж кулэ луись тӥрлыкъёс, кудъёссэ ми мукетъёссэ дышетонын уже кутӥськомы. Нош азьланяз адямиен дышетон понна, вераськем бере солы аслэсьтыд пландэ ӵектыны луоз, азьло ик тупась темаез бырйыса (Мад. 22:29). Планъёсты кутон амалъёс трос, но ивортӥсьёслы кулэ кутыны сыӵезэ, кудӥз азинлыко луэ.

Кызьы сое лэсьтоно:

Юан сёт, кудӥз адямиез тунсыкъяськытоз но юрттоз тыныд солэсь саклыксэ висъяны планысь одӥгезлы валтӥсь пунктлы. Озьы ик валтӥсь пунктлэн пумаз гожтэм юанэз сётыны луоз. Адямилэсь верамзэ кылзэм бере, тупась кылбурез лыдӟы. Со кылбурез вакчияк эскерыны но луоз.
Тани мукетыз амал: тодэ вайытыны луоз шимес учыр сярысь, кудзэ алигес иворъёсын возьматӥзы, но вераны, трос адямиос таӵе юанъёслы валэктонъёс утчало шуыса. [Тупась планысь юанъёсты возьматы.] Яке вера, тон паймымон вуоно улон сярысь вераны лыктӥд шуыса, кудӥз милемыз возьма. Собере планысь тупамон валтӥсь пунктэз возьматы, кылсярысь, «Азьпал улонмы», но юа: «Та кылсётонъёс пӧлысь кудӥзлэсь быдэсмемзэ тӥляд адӟемды потэ?» Яке вераны луоз, тон туннэ адямиосын вакчияк вераськиськод но соослы тужгес но кулэ луись юанъёслы валэктонъёс шедьтыны юрттӥськод шуыса. Собере адямилы куд-ог планъёсысь юанъёсты возьматы, кудъёсыз валтӥсь пунктъёслэн пумазы сётэмын, но юа, кудӥз тужгес но тунсыко потэ.
Библия дышетонэз кутскон понна, адямилы шонерак вера со сярысь. Тазьы шуыны луоз: «Мон дунтэк Библия дышетонъёс ортчытъясько, но мынам эшшо кӧня ке дышетскисьёслы дыры вань на. Дышетон кӧня ке толэзь гинэ кыстӥське но таӵе юанъёслы валэктонъёс сётэ: кин со Инмар? Малы сомында курадӟонъёс? Мар луэ адямиен кулэм бераз? Мон возьматысал, кызьы та дышетон ортчытӥське».

Толэзьлы визь-кенешъёс:

Семьяен йыбырттонды дыръя вераськонэз нуон амалъёсты дышетэ.
Ужан-тыршонын вера мукет ивортӥсьёслы, кудзэ вераськонэз нуон амалэз тон уже кутыны малпаськод (Мад. 27:17). Нош со амал вераськонэз нуыны ӧз юртты ке, вошты сое.