Ужан-тыршон быгатонлыкъёсмес умоятӥськомы. Мар кароно адямиен вераськыку, со доры выльысь лыктон понна

МАЛЫ СО КУЛЭ:

Милям потэ ву киськаммы зэмлыклэн кидысъёсыз вылэ, кудъёссэ ми кизиськомы (1Кр 3:6). Адями тунсыкъяське ке, умой луысал кыӵе ке юан кельтыны, вуоно лыктыку сое эскерон понна. Соку со милемыз возьмалоз но милемлы капчигес луоз соин выльысь вераськыны. Адями доры выльысь лыктыса, луоз вераны, ми азьлогес кельтэм юанлы валэктон сётыны лыктӥмы шуыса.

КЫЗЬЫ СОЕ ЛЭСЬТОНО:

• Куке тон малпаськиськод, мар вералод коркась корка тодытыкуд, озьы ик дася юан, кудзэ эскерод выльысь лыктыкуд. Со луыны быгатоз юан, кудӥзлы валэктон сётӥське кельтоно публикациын яке Библиез дышетон пособиын, кудзэ тон уже кутод адямиен выльысь вераськыкуд.

• Тунсыкъяськись адямиен вераськондэ йылпумъякуд, вера солы, выльысь пумиськемед потэ шуыса но дасям юандэ сёт. Луэмезъя тод, кызьы соин герӟаськыны быгатод.

• Тон солы верад ке, ку лыктод, сётэм кылдэ быдэсты (Мф 5:37).