Малы дышето милемыз кырӟанъёс?

Вань-а тынад яратоно кырӟанъёсыд? Малы соос тыныд кельшо? Возьматэмын-а крезьгуро видеороликъёсын со, маин ми пумиськиськомы котькуд нунал? Милям кырӟанъёсмы пӧртэм темаослы сӥземын но пӧртэм стилен гожтэмын, соин ик котькин аслыз кельшымон кырӟан шедьтыны быгатоз. Но та кырӟанъёс но крезьгуро видеороликъёс шулдыръяськон гинэ ӧвӧл.

Котькуд кырӟан милемыз малы ке умоезлы дышетэ. Куд-ог кырӟанъёсын вераське куно карон, эшъяськон, огкылысь улон, кышкасьтэм луон, яратон но оскон сярысь. Нош мукетъёсаз — со сярысь, кызьы Иегова доры берытсконо, мукетъёссэ простить кароно, котькыӵе учыръёсын Библиысь возетъёсты уже кутоно но тросгес Иеговалы ужано-тыршоно. Одӥгез кырӟан милемлы тодамы вайытэ, телефон эшъёсты уз вошты шуыса. Нош тон малы дышетскид, та кырӟанъёсты кылзыса?

УЧКЫ «ЭТОТ ДЕНЬ ОЧЕНЬ БЛИЗКО» КРЕЗЬГУРО ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• Кыӵе вуоно бакель каронъёс сярысь малпасько арлыдо кузпалъёс? (Ул 12:3)

• Кызьы милемлы осконмес юнматоно, Иегова одно ик вань кылсётонъёссэ быдэстоз шуыса?

• Кинэн ми ӝоген выльысь пумиськомы?

• Кызьы Эксэйлыклы оскон юрттэ милемлы туннэ шуг-секытъёсмес чиданы? (Рм 8:25)