Уте кузпалэныды кусыпъёстэс

Иегова возьма, пиосмурт но кышномурт кузпалъяськыкузы сётэм кылзэс одно ик быдэстозы шуыса. Солэн потэ, соос быдэс улонзэс ӵош мед улозы шуыса (Мф 19:5, 6). Иеговалэн Адӟись-Ивортӥсьёсызлэн кенешъёсазы трос шудо семьяос. Но соослэн но шуг-секытъёссы луо. Та дуннеысь адямиос малпало, кузпалъёс шуг-секытъёссэс нимаз улыса яке люкиськыса гинэ сэрттыны-пертчыны быгато шуыса. Но милемлы озьы малпано ӧвӧл. Кызьы христиан луись кузпалъёс кусыпъёссэс утьыны быгато?

Тани вить пайдаё визь-кенешъёс:

1. Уть аслэсьтыд сюлэмдэ. Со понна палэнскы ваньмызлэсь, мар кузпалэныд кусыпъёстэ сӧрыны быгатоз. Кылсярысь, кузпал луисьтэм муртлы кулэтэм саклык висъяно ӧвӧл но азон-калгонэн герӟаськем шутэтсконъёсы пыриськоно ӧвӧл (Мф 5:28; 2Пт 2:14).

2. Инмарен кусыпъёстэ юнматы но лэсьты ваньзэ, кузпалэныд кусыпъёсыд сое шум мед поттозы шуыса (Пс 96:10).

3. Азьланяз но «выль адями» луыны тыршы. Кузпалдэ шумпоттон понна, котьку астэ соин лякытэн возь, чыры-пыры ужъёсын но (Кл 3:8—10, 12—14).

4. Гажаса вераськы. Кузпалэныд вераськон понна, тырмыт дыр висъя (Кл 4:6).

5. Кузпалэн кӧлан сярысь верано ке, валась но яратӥсь лу (1Кр 7:3, 4; 10:24).

Кузпалъёс кусыпъёссэс утьыны тыршо ке, соос возьмато, Семья Кылдытӥсез, Иеговаез, гажало шуыса.

УЧКЫ «МЫ ДОЛЖНЫ БЕЖАТЬ „СО СТОЙКОСТЬЮ“. СОБЛЮДАЙТЕ ПРАВИЛА» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Кыӵе шуг-секытъёссы кылдыны быгато кузпалъёслэн, нырысь соос шудоесь вал ке но?

• 

  Библиысь кыӵе возетъёс юрттозы кузпалъёслы, кудъёсыз малпало, соос ог-огзэс уг ярато шуыса?

• 

  Кызьы кузпалъёслы асьсэды ог-огенызы возёно, Иеговалэн куремезъя?

• Мар кароно кузпалъёслы, шудо луон понна?