Шедьты визьмо визь-кенешъёс jw.org сайтысь

Библиын трос визь-кенешъёс вань, кудъёсыз юрттозы милемлы та секыт дыръёсы (2Тм 3:1, 16, 17). Нош куддыръя милемлы секыт валаны, Библиысь кыӵе возетъёс югдурмылы тупало. Кылсярысь, кызьы анай-атайёслы нылпиоссэс будэтоно? Мар юрттоз егитъёслы, куке осконзы эскериське? Кызьы буйгатоно адямиез, солэн кузпалыз кулӥз ке? Милям jw.org сайтамы Библиысь возетъёс эскерисько, кудъёсыз юрттозы тыныд та но трос мукет югдуръёсын (Мд 2:3—6).

Бырйы jw.org сайтысь БИБЛИЫСЬ ДЫШЕТОНЪЁС вкладкаез. (Учкы 1-тӥ суредэз.) Собере бырйы рубрикаез, кудӥз тыныд кулэ. Яке зӥб БИБЛИОТЕКА > САЙТЫСЬ СТАТЬЯОС но бырйы рубрикаез, кудӥз тыныд кулэ. (Учкы 2-тӥ суредэз.) Сыӵе ик рубрикаос JW Library^® приложениын но вань.a Луоз учкыны, кыӵе тунсыко статьяос вань сайтын но приложениын. Озьы ик тон быгатод кыӵе ке но темаез утчаны (со понна jw.org сайтын «Утчано» чур вань).

«Утчано» чуре таӵе темаосты гожты но бырйы статьяосты, кудъёссэ тынад лыдӟемед потэ.

• Нылпиосты будэтон

• Егитъёслы юрттэт

• Кулон сярысь зэмлык