«Улон но ужан-тыршон» ужан тетрадьлы малпанъёс
2—8-ТӤ ПӦСЬТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | ЛУКА 6, 7
Духовной марӟанъёсты утчаськомы
(Лука 6:12, 13) Со нуналъёсы Иисус гурезь йылэ вӧсяськыны тубиз, быдэс уй Инмарлы вӧсяськыса улӥз. 13 Нунал вуэм бере Аслэсьтыз дышетскисьёссэ Со ӧтиз но соос пӧлысь дас кыксэ бырйиз, соосты апостолъёс шуыса нимаз:
w07 1/8 6 б., 1 абз.
Кызьы зэмзэ ик духовной адями луоно?
Иисус ӵем дыръя кема вӧсяськылӥз (Иоанн 17:1—26). Кылсярысь, 12 апостолъёсты быръён азяз со «гурезь йылэ вӧсяськыны тубиз, быдэс уй Инмарлы вӧсяськыса улӥз» (Лука 6:12). Инмарен матысь кусыпъёс возьыны тыршись адямиос Иисуслэсь адӟем каро. Но со уг возьматы, соос, Иисус сямен, быдэс уйзэ вӧсяськыса ортчыто шуыса. Кулэ луись ужпум кутон азязы соос вӧсяськыны тырмыт дыр висъяло. Соос куро Инмарлэсь, солэн святой духез соослы сыӵе ужпум кутыны мед юрттоз шуыса, кудӥз соослэсь Инмарен кусыпъёссэс юнматысал.
(Лука 7:35) Визьлыклэн вань нылпиосыз визьлыклэсь шонер луонзэ возьмато».
nwtsty эскерон понна материал (Лк 7:35)
нылпиосыз Татын визьлык сярысь улэп мурт сярысь кадь верамын; верамын, солэн нылпиосыз вань шуыса. Визьлыклэн нылпиосыз — яке Иоанн Пылатӥсьлэн но Иисуслэн ужъёссы — яркыт возьмато, соосты янгыше уськытонъёс пӧяськон луо шуыса. Мукет кылъёсын вераса, Иисус шуэ: «Учке янгыше уськытон муртлэсь шонер ужъёссэ но ассэ воземзэ, соку тӥ адӟоды, со янгыш ӧвӧл шуыса».
9—15-ТӤ ПӦСЬТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | ЛУКА 8, 9
Духовной марӟанъёсты утчаськомы
(Лука 8:3) Иродлэсь юртъерзэ утьыса улӥсь Хузалэн кышноез Иоанна, озьы ик Сусанна но трос мукетъёсыз. Соос Иисуслы асьсэлэн ваньбуренызы юрттӥськыса улӥзы.
nwtsty эскерон понна материал (Лк 8:3)
юрттӥськыса улӥзы Яке «соослэн кулэяськонъёссы сярысь сюлмаськизы». Грек кыл диаконе́о возьматыны быгатэ та выллем кулэяськонъёс сярысь сюлмаськонэз: сиён басьтон, дасян но ӝӧк вылэ пуктон но мукет. Со выллем ик пуштросэн та кыл кутӥське Лк 10:40 («ужаны»), Лк 12:37 («утялтыны»), Лк 17:8 («мыным ужа») но Ап 6:2 («сиён-юонэз люкылон сярысь сюлмаськыны»). Татын, та кылэз кутыса, верамын со сярысь, кызьы 2-тӥ но 3-тӥ кылбурын верам кышномуртъёс Иисус но солэн дышетскисьёсыз сярысь сюлмаськизы но соослы Инмарен сётэм ужзэс быдэстыны юрттӥзы. Озьы со кышномуртъёс Инмарез данъязы. Нош Инмар соослэсь ужзэс ӧз вунэты — со сюлмаськиз, соослэн гажась-жалясь но шырыт сямо луэмзы сярысь Библиын гожтэмын мед луоз но сое адямиос мед тодозы шуыса (Мд 19:17; Евр 6:10). Та грек кыл ик кутӥське Мф 27:55 но Мк 15:41.
(Лука 9:49, 50) Соку Иоанн шуиз: «Дышетӥсь! Тынад нимыныд периосты уллясь адямиез ми адӟимы, но ӧм ни лэзе со ужен вырыны, малы ке шуоно со асьмемын уг ветлы». 50 Иисус солы шуиз: «Эн алэ; уго кин тӥледлы пумит ӧвӧл, со — тӥ палан».
w08 15/3 31 б., 3 абз.
Лукалэсь ӟеч иворысь тунсыко малпанъёс
9:49, 50 — Малы Иисус дышетскисез луисьтэм адямилы периосты улляны лэзиз? Иисус лэзиз солы, малы ке шуоно соку христиан кенеш кылдытэмын ӧй вал на. Соин ик Иисуслы оскыны но периосты улляны со, Иисус но солэн дышетскисьёсыз сьӧры ветлытэк но, быгатэ вал (Марк 9:38—40).
16—22-ТӤ ПӦСЬТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | ЛУКА 10, 11
Духовной марӟанъёсты утчаськомы
(Лука 10:18) Нош Иисус соослы шуиз: «Чилектэм кадь инмысь усись шайтанэз Мон адӟи.
nwtsty эскерон понна материал (Лк 10:18)
Чилектэм кадь инмысь усись шайтанэз Мон адӟи Та кылъёсын Иисус азьпалзэ ивортыса вераз, шӧдске. Шайтанэз вуоно дыре инмысь сэрпалтон сярысь со луэм учыр сярысь кадь вераз. Усьт 12:7—9 верамын инмын ожмаськон сярысь, но Шайтанэз сэрпалтон Мессия Эксэйлыклэн вордскеменыз герӟамын. Татын Иисус пусъе: Инмар 70 дышетскисьёслы — огшоры тырбыдэстэм адямиослы — периосты улляны кужым сётӥз бере, соку Шайтан но солэн периосыз та ожмаськонын нокызьы но вормыны уз быгатэ.
w08 15/3 32 б., 1 абз.
Лукалэсь ӟеч иворысь тунсыко малпанъёс
10:18 — Мае возьмато Иисуслэн 70 дышетскисьёсызлы верам кылъёсыз: «Чилектэм кадь инмысь усись шайтанэз Мон адӟи»? Иисуслэн кылъёсыз уг возьмато вал, Шайтан инмысь сэрпалтэмын вал ини шуыса. Со сэрпалтэмын вал ӝоген 1914-тӥ арын Иисус Христос инмын эксэй луэм бере (Усьт. 12:1—10). Вуоно дыре луоноез сярысь ортчем дырын вераса, Иисуслэн пусъемез потӥз, луоз, со одно ик быдэсмоз шуыса.
(Лука 11:5—9) Соослы Иисус шуиз: «Кин ке но тӥ пӧлысь, кудӥзлэн эшез вань, уйшор уйин со доры лыктоз но солы шуоз: „Эше! Вай мыным пунэмен куинь няньдэ. 6 Мон доры сюрес вылысь эше пыриз, нош мынам солы ӵектыны номыри но ӧвӧл“. 7 Нош соиз пуш паласен солы ответ сётыса шуоз: „Эн раньӟыты монэ, ӧсъёс ӵогамын ни, нылпиосы но монэн огазьын валесын кыллё, уг быгатӥськы султыса тыныд нянь сётыны“. 8 Тӥледлы верасько, эш луыса вылысь но султыса ӧз ке сёты, соиз куремысь ӧз ке дугды, султоз но, кӧня куре, сомында сётоз. 9 Мон тӥледлы верало: курелэ, тӥледлы сётэмын луоз; утчалэ — шедьтоды; йыгаське — тӥледлы усьтозы.
nwtsty эскерон понна материалъёс (Лк 11:5—9)
Эше! Вай мыным пунэмен куинь няньдэ Матысь Шундыӝужан палан улӥсьёс куно карись луэменызы тодмо вал. Иисуслэн мадёнэз сое туж умой возьматэ. Куно шӧдтэк шорысь, уйшор уйин, лыктӥз (со возьматэ, со дыръёсы озьы луэ вал шуыса, малы ке шуоно сюрес вылын витьымтэ шорысь ӝегатсконъёс кылдыны быгато вал), но кузё кунозэ одно ик сюдоно шуыса малпа. Сиён пунэман понна уйшор уйин со бускельзэ но сайкатоно кариське.
Эн раньӟыты монэ Та мадёнысь бускель сярысь вераны уз луы, со шырыт сямо ӧй вал шуыса. Солэн юрттэмез уг поты вал, малы ке шуоно со кӧлыны выдэмын ни вал. Со вакытэ адямиослэн коркаоссы, тужгес но куанеръёсызлэн, ӵемысь висъеттэк луо вал. Соин ик, уйшор уйин султыса, кузё быдэс семьязэ сайкатысал, озьы ик нылпиоссэ но.
куремысь ӧз ке дугды Татын кутэм грек кыл «возьыттэм» яке «зӥбыт-востэм луисьтэм» шуэм луэ. Но та мадёнын со возьматэ адямилэсь аслэсьтыззэ лэсьтэмзэ, ас малпанэз понна юн сылӥсь луэмзэ. Иисуслэн мадёнысьтыз пиосмурт ӧз возьдаськы но куремысь ӧз дугды сое, мар солы кулэ вал. Аслаз дышетскисьёсызлы Иисус вераз, соослы мар кулэ, сое вӧсяськыса куремысь дугдоно ӧвӧл шуыса, озьы ик, кызьы мадёнысь пиосмурт куремысь ӧз дугды (Лк 11:9, 10).
23—29-ТӤ ПӦСЬТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | ЛУКА 12, 13
Духовной марӟанъёсты утчаськомы
(Лука 13:24) «Тыршелэ ӟоскыт капкатӥ пырыны, уго тӥледлы верасько, тросэз пырыны тыршозы, но уз быгатэ.
nwtsty эскерон понна материал (Лк 13:24)
Тыршелэ Яке «Азьланяз но нюръяське». Иисус ӧтиз карыны ваньзэ, мае быгатӥськомы, ӟоскыт капкаетӥ пырон понна. Библиез эскерись тодосчиос тазьы берыкто: «Вань кужмысьтыды тырше» но «Котькуд луонлыкез уже кутэ». Грек кыл агони́зомай пӧрмемын аго́н кыллэсь, кудзэ ӵемысь уже куто вал спортын ӵошатсконъёс сярысь вераку. Евр 12:1 аго́н кыл кутэмын удыс сярысь веран понна, кудзэ христиан мурт улон басьтон понна ортче. Со кыллэн паськыт пуштросэз, кылсярысь, сое «нюръяськон» шуыса берыктыны луэ (Фп 1:30; 2Тм 4:7). Грек кыл, кудӥз Лк 13:24 кутӥське, озьы ик пумиське мукет кылбуръёсын но. Со берыктэмын: «сюлмысь тыршись» (1Кр 9:25), «нюръяськыны» (Кл 1:29), «ужаны» (1Тм 4:10) но «лэсьтыны тыршыны» (1Тм 6:12). Нырысь та кылэз спортын ӵошатсконъёс сярысь вераку уже куто вал бере, куд-огъёсыз малпало, та учырын Иисус ӧтиз тыршыны озьы ик, кызьы тырше спортсмен, куке со вань кужымзэ понэ, котькуд сӥльбыгытсэ золтэ, вормон понна но сӥзем кузьым басьтон понна.
(Лука 13:33) Озьы ке но Мон туннэ но, ӵуказе но, мукетаз но нуналэ азьлань мыныны кулэ, малы ке шуоно Иерусалимлэн палэназ пророк виемын мед луысал — озьы уг луы.
nwtsty эскерон понна материал (Лк 13:33)
озьы уг луы Яке «малпаны ик уг луы». Библиысь азьпалзэ ивортонъёсын шонерак верамын ӧвӧл ке но, Мессия Иерусалимын кулоз шуыса, сыӵе малпанэ вуттэ Дн 9:24—26 гожтэм. Со сяна, иудейёс пророкез виёно кариськысалзы ке, эшшо ке Мессияез, соос сое одно ик Иерусалимын виысалзы. Малы ке шуоно отын вал Сӥнедрион, иудейёслэн вылӥ судзы (отчы пыре вал 71 адями), кудӥз эскере-чакла вал со адямиослэсь ужъёссэс, кудъёссэ пӧяськись пророкъёс шуыса янгыше уськыто вал. Озьы ик, Иисус сое вераз, вылды, малы ке шуоно ӵапак Иерусалимын Инмарлы курбонъёс сётъязы но отын Пасха дыръя ыжпи вандылӥзы. Ортчем югдуръёс возьматӥзы, Иисуслэн кылъёсыз быдэсмизы шуыса. Сое Иерусалимысь Сӥнедрион азе султытӥзы но судъязы. Отын ик, Иерусалимын, карлэн борддоръёсыз сьӧрын со Пасха ыжпи кадь кулӥз (1Кр 5:7).
30-ТӤ ПӦСЬТОЛЭЗЬ — 5-ТӤ ГУДЫРИКОШКОН
ИНМАРЛЭН КЫЛЫСЬТЫЗ УЗЫРЛЫК | ЛУКА 14—16
Духовной марӟанъёсты утчаськомы
(Лука 14:26) «Кин Мон доры лыктэ но адӟонтэм уг ке кары аслэсьтыз атайзэ, анайзэ, кышнозэ, нылпиоссэ, агай-вынъёссэ, сузэръёссэ, аслэсьтыз улонзэ но, со Мыным дышетскись луыны уг быгаты.
nwtsty эскерон понна материал (Лк 14:26)
адӟонтэм уг ке кары Библиын «адӟонтэм карыны» кылъёс пӧртэм пуштросэн кутӥсько. Со возьматыны быгатэ адямилэсь тушмонъяськыса улэмзэ. Ӵем дыръя сыӵе адями сокем йыркуръяське, солэн мукетызлы вӧсь каремез потэ. Куддыръя со кылъёс юрӟым потонэз яке кӧтвеськантэм каремез возьмато, но соин сэрен адями котькыӵе муг утча палэнын возиськыны солэсь, кинэ яке мае со адӟонтэм каре. Со сяна, со кылъёс возьматыны быгато ӧжытгес яратэмез. Кылсярысь, та кылъёсты кутӥз Иаков, куке шуиз, со Лияез «уг яраты», нош Рахилез яратэ. Со кылъёсыз возьмато вал, со, Рахилез сярысь, Лияез ӧжытгес яратэ шуыса (Ул 29:31). Иисус уг малпа вал, солэн дышетскисьёсыз семьязэс яке асьсэды асьсэос юрӟым мед карозы яке тушмонъяськыса мед улозы шуыса, малы ке шуоно со соглаш ӧй луысал соин, мар гожтэмын Библилэн мукет книгаосаз. (Ӵошаты Мк 12:29—31; Еф 5:28, 29, 33.) Соин ик татын «адӟонтэм уг ке кары» кылъёс возьмато ӧжытгес яратэмез.
(Лука 16:10—13) Ӧжытын оскиськымон бадӟымын но оскиськымон луэ, нош ӧжытын оскиськонтэм бадӟымын но оскиськонтэм луэ. 11 Озьыен, оскиськыны луонтэм узырлыкын тӥ оскиськымон ӧй вал ке, кин тӥледлы зэмоссэ узырлыкез оскоз? 12 Муртлэнын но тӥ оскиськымонэсь ӧй вал ке, кин тӥледлы тӥлесьтыдзэ сётоз? 13 Нокыӵе но медо кык кузёлы служить карыны уг быгаты: уго яке одӥгзэ адӟемпотостэм кароз, нош мукетсэ — яратоз; яке огезлы сюлмысьтыз тыршоз, нош мукетыз сярысь уз сюлмаськы. Уд быгатӥське Инмарлы но, маммоналы но огдыре служить карыны».
bw584 5 б., 7, 8 абз.
Люкалэ узырлыкез, кудӥз зэмзэ но дуно луэ
7 Лыдӟы Лукалэсь 16:10—13. Иисуслэн мадёнысьтыз юртэн кивалтӥсь, аслыз пайда утчаса, эшъёс кутӥз. Нош Иисуслэн потэ вал, солэн дышетскисьёсыз шонер мылкыдын асьсэлы инмысь эшъёс мед утчалозы шуыса. Мадён верамез бере Иисус возьматӥз, со, кызьы ми уже кутӥськомы оскиськыны луонтэм узырлыкез, возьматэ шуыса сое, оскымонэсь-а ми Инмарлы, ӧвӧл-а. Иисуслэн верамез потэ вал, ми «оскиськыны луонтэм узырлыкын» оскиськымон луыны быгатӥськомы шуыса, яке сое шонер амалэн уже кутыны. Кызьы ми сое лэсьтыны быгатӥськомы?
8 Одӥгез валтӥсь амал, кызьы ми возьматыны быгатӥськомы, ваньбурмес уже кутыса ми Инмарлы оскымон кылиськомы шуыса,— со ас мылкыд кареммыя коньдон сётыны быдэс дунне вылын ортчытӥськись тодытон ужлы, кудӥз сярысь Иисус вераз вал (Матф. 24:14). Индиысь одӥг ныл коньдон люканы малпаз. Шудонъёс басьтон интые но, со коньдонзэ нимаз тырыса кельтэ вал. Нош куке солэн трос коньдонэз люкаськиз, со вань люкам коньдонзэ тодытон ужез азьланьтонлы сётӥз. Одӥг вын-агай, кудӥз озьы ик Индиын улэ, кокосъёс будэтэ. Троссэ со сётэ палэнын берыктон ужез нуись офисэ, кудӥз публикациосты малаялам кылэ берыктэ. Со вын-агай тазьы малпаське: офисэ кокосъёс басьтыло бере, коньдонэн сётэм интые, кокос сётыса, умойгес луоз. Озьы со визьмо лэсьтэ. Грециын улӥсь вын-агайёс но Вефиль семьялы ялан сётъяло оливковой вӧй, сыр но мукет сиён-юон.