«Улон но ужан-тыршон» ужан тетрадьлы малпанъёс
6—12-ТӤ ПӦСЬТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | ПОТОН 6, 7
Духовной марӟанъёсты утчаськомы
(Потон 6:3) Авраамлы, Исааклы, Иаковлы Мон «Ваньмызлэсь Кужмо Инмар» нимын возьматскылӥ, нош «Кузё-Инмар» нимыным соослы ӧй усьтӥськы;
it «Всемогущий», 6, 7 абз.
Ваньмызлэсь Кужмо
Авраамлы Исаак вордӥськоз шуыса веракуз, Иегова ассэ «Ваньмызлэсь Кужмо Инмар» (Эл Шадда́й) шуиз. Авраам юн оскыны кулэ вал, Инмар сётэм кылзэ быдэстыны быгатэ шуыса. Берлогес Инмар «Ваньмызлэсь Кужмо» шуыса нимамын вал, куке вераськон мынӥз, Инмар Исаакез но Иаковез бакель кароз шуыса, малы ке шуоно Авраамен тупанкыл соосын но герӟаськемын вал (Ул 17:1; 28:3; 35:11; 48:3).
Соин ик Иегова берлогес Моисейлы вераны быгатӥз: «Авраамлы, Исааклы, Иаковлы Мон „Ваньмызлэсь Кужмо Инмар“ [бе-Эл Шадда́й] нимын возьматскылӥ, нош „Кузё-Инмар“ нимыным соослы ӧй усьтӥськы» (Пот 6:3). Со уг возьматы, патриархъёс Иеговалэсь нимзэ уг тодо вал шуыса, малы ке шуоно соос ӵемысь солэсь нимзэ вераллязы, озьы ик, кызьы вераллязы куд-ог адямиос, кудъёсыз патриархъёслэсь азьвыл улӥзы (Ул 4:1, 26; 14:22; 27:27; 28:16, ВД). Вераны кулэ, Улон-вылон книгаын, кытын верамын патриархъёслэн улонзы сярысь, «Ваньмызлэсь Кужмо» кылъёс 6 пол гинэ пумисько. Нош еврей кылын гожтэм текстын Иегова ним 172 пол пумиське. Та патриархъёсын Инмар трос пол вераськылӥз но соос валало вал, Инмарлэн правоез вань шуыса «Ваньмызлэсь Кужмо» шуыса нимаськыны, озьы ке но Иегова нимлэсь пуштроссэ соос быдэсак валаны ӧз быгатэ. Та пумысен одӥг библейской кыллюкамын верамын: «Патриархъёслы сётэм талэсь азьвыл усьтӥськон верамын вал кыдёкысь вуоно улон сярысь. Отын верамын вал, патриархъёс оскыны кулэ вал, Инмар, Яхве, со сыӵе Инмар (эл) шуыса, кудӥз аслэсьтыз кылсётонъёссэ быдэстыны быгатэ (быгатыны — со саддай кыллэн одӥгез пуштросэз). Нош ӝуась куак вӧзын сётэм усьтӥськонлэн пуштросэз бадӟымгес вал. Со матысь эшен вераськем кадь вал. Та усьтӥськон возьматӥз Инмарлэсь кужымзэ но возьматӥз, Инмар котьку патриархъёсын артэ шуыса. Табере ваньмыныз таин герӟаськемын вал тодмо Яхве ним» (The Illustrated Bible Dictionary / Редакторез J. Douglas. 1980-тӥ ар, 1-тӥ том, 572 б.).
w04 15/3 25 б., 6 абз.
Потон книгаысь тунсыко малпанъёс
6:3 — Кызьы валано, Инмарлэн нимыз Авраамлы, Исааклы но Иаковлы усьтэмын ӧй вал шуыса? Та патриархъёс Инмарлэсь нимзэ верало вал. Озьы ик Иегова соослы кылсётонъёс сётылӥз. Но соос уг тодо вал, Иегова, со сыӵе Инмар шуыса, кудӥз аслэсьтыз кылсётонъёссэ быдэстэ (Улон-вылон 12:1, 2; 15:7, 13—16; 26:24; 28:10—15).
(Потон 7:1) Нош Кузё-Инмар Моисейлы шуиз: «Учкы, Мон тонэ фараонлы Инмар карыса пукто, нош Аарон агаед тынад пророкед луоз:
it «Моисей», «Назначен освободителем» подзаг., 2 абз.
Моисей
Моисей дӥсьтӥсьтэм вал ке но, кулэтэм каремын ӧй вал. Моисей, вераськыны уг быгатӥськы шуыса, Инмарлэн сётэм ужезлэсь танӥськиз. Кызьы адӟиське, Моисей воштӥськиз. Со ӧй вал ни со Моисей, кудӥз 40 ар талэсь азьло ачиз, ас кужымезлы оскыса, Израиль калыкез мозмытыны кутскиз. Танӥськыса со куриз, Инмар солы со ужез медаз сёты шуыса. Иеговалэн вожез потӥз ке но, Моисеез со кулэтэм ӧз кары. Со солы Аарон вынзэ юрттӥсе сётӥз. Озьыен, Моисей, Инмарлэн нимыныз верась, Ааронлы «Инмар интыын» луиз, нош Аарон Моисейлэн нимыныз вераз. Куке Моисей но Аарон Израильлэн тӧроосыныз но фараонэн пумиськылӥзы, Инмар косонъёссэ Моисейлы вералляз, вылды, нош Моисей — Ааронлы. Аарон со косонъёсты фараонлы вера вал, кудӥз кивалтӥз со фараон бере, кудӥзлэсь Моисей 40 ар талэсь азьло пегӟыса кошкиз (Пот 2:23; 4:10—17). Берлогес Иегова Ааронэз Моисейлэн «пророкез» шуиз, малы ке шуоно Аарон Моисейлэн нимыныз вераз озьы ик, кызьы Моисей Инмарлэн нимыныз вераз но лэсьтӥз. Со сяна, Иегова вераз, Моисеез «фараонлы Инмар карыса пуктоз» шуыса. Мукет кылъёсын вераса, Инмар Моисейлы кужым сётоз, соин ик солы Египетлэн эксэезлэсь кышкано уз луы (Пот 7:1, 2).
13—19-ТӤ ПӦСЬТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | ПОТОН 8, 9
Духовной марӟанъёсты утчаськомы
(Потон 8:25—27) Фараон Моисеен Ааронэз дораз ӧтьытӥз, со шуиз: «Мынэлэ но та музъемын Инмардылы курбон сётэ». 26 Нош Моисей шуиз: «Тае лэсьтыны уг яра, малы ке шуоно асьмелэн Инмармылы Кузё-Инмарлы курбон сётонмы Египетысь калык понна юрӟым потоз: Египетысь калык понна юрӟым курбонъёс соослэн син азязы сётъяны кутскимы ке, соос милемды, изъёсын тышкаса, уз виылэ-а? 27 Ми луоё кыр дуннее куинь нунал мынон кеме кошкомы но Инмармылы Кузё-Инмарлы курбон сётомы, кызьы Кузё-Инмар милемыз косоз».
w04 15/3 25 б., 9 абз.
Потон книгаысь тунсыко малпанъёс
8:26, 27 — Малы Моисей вераз, израиль калыклэн курбонэз «Египетысь калык понна юрӟым потоз» шуыса? Египетын трос пӧртэм пудо-животъёслы йыбыртъязы. Соин ик Моисейлэн курбон сётон сярысь верамез фараонэз оскытыны кулэ вал израиль калыкез лэзьыны, со кошкыса Иеговалы курбон мед сётоз шуыса.
(Потон 9:13, 14) Соку Кузё-Инмар Моисейлы шуиз: «Ӵуказе ӵукна вазь ик султы но фараон доры лыктыса шу: „Тазьы шуэ еврейёслэн Инмарзы Кузё-Инмар: Мынэсьтым калыкме кошкыны лэзь, со, Мыным сӥзьыса, вӧсяськон ортчытыны мед быгатоз; 14 уго та радаз вань вӧсь каронъёсме тынад сюлмад, ляльчиосыд вылэ, калыкед вылэ лэзё, тон мед тодод: Мыным укшасез быдэс дунне вылын ӧвӧл;
Кин луыны Иегова тыныд сётоз?
5Иегова Моисейлэсь мылкыдзэ ӝутӥз израиль калыклы мозмытӥсь луыны. Нош Иегова та ужез ӧз сёты соку, куке Моисей «Египетлэн вань визьнодлыкезлы... дышетэмын вал» но ассэ та ужез быдэстыны дась шуыса лыдъяз (Ап. уж. 7:22—25). Иегова кутӥз сое соку гинэ, куке юрттӥз солы зӥбыт-востэм адями луыны (Ап. уж. 7:30, 34—36). Иегова Моисейлы сыӵе кышкасьтэм сям сётӥз, со Египетысь ваньмызлэсь быдӟым кивалтӥсен но вераськыны быгатӥз (Пот. 9:13—19). Малы милемыз дышетэ со, кызьы но ку Иегова Моисеез кутӥз? Иегова быръе соосты, кинъёс солы ярамон сямъёсты возьмато но солэсь кужым куро (Пс. 120:1, 2).
20—26-ТӤ ПӦСЬТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | ПОТОН 10, 11
Духовной марӟанъёсты утчаськомы
(Потон 10:1, 2) Соку Кузё-Инмар Моисейлы шуиз: «Фараон доры пыр, уго Мон солэсь, ляльчиосызлэсь но сюлэмзэс секытомытӥ соос пӧлын та паймымон тодметъёсме возьматон понна, 2 аслад пиедлы, пиедлэн пиезлы вераны мед быгатод, мар Мон Египетын лэсьтӥ, кыӵе паймымон тодметъёс та музъемын возьматъяй, тӥ мед тододы, Мон Кузё-Инмар шуыса».
w95 1/9 11 б., 11 абз.
Зэмос луисьтэм инмаръёсты шарае поттӥсьёс
11Куке израиль калык Египетын вал на, Иегова Моисеез фараон доры ыстӥз но шуиз: «Фараон доры пыр, уго Мон солэсь, ляльчиосызлэсь но сюлэмзэс секытомытӥ соос пӧлын та паймымон тодметъёсме возьматон понна, аслад пиедлы, пиедлэн пиезлы вераны мед быгатод, мар Мон Египетын лэсьтӥ, кыӵе паймымон тодметъёс та музъемын возьматъяй, тӥ мед тододы, Мон Кузё-Инмар [«Иегова», ВД] шуыса» (Потон 10:1, 2). Кылзӥськись израиль пиос Иеговалэн паймымон ужъёсыз сярысь нылпиоссылы верало вал, нош нылпиоссы — асьсэлэн нылпиоссылы. Озьы лэсьто вал выжыысь выжые. Озьы Иеговалэн паймымон ужъёсыз уг вуно вал. Туннэ но анай-атайёс нылпиоссылы Иегова сярысь вераны кулэ (Кыкетӥ Закон 6:4—7; Мадёнъёс 22:6).
(Потон 11:7) нош израиль пиослэн одӥг муртсы вылэ но, пудозы вылэ но пуны ымзэ но уз усьты, тӥ мед тододы: Кузё-Инмар египет калыкез но израиль калыкез ог-огзылэсь макем висъя“.
it «Исход из Египта», «Воды застыли» подзаг., 3 абз.
Египетысь потон
Паймымон амалэн кужымзэ возьматыса, Иегова аслэсьтыз нимзэ данъяз но Израиль калыкез мозмытӥз. Куке Израиль калык Горд зарезьлэн шундыӝужанпал ярдураз вал но соослы номыр кышкытлык уг вайы ни вал, Моисей но вань пиосмуртъёс кырӟан кырӟаны кутскизы. Моисейлэн апаез, азьпалзэ тодытыса верась Мариам, кияз тимпан кутыса потӥз. Со сьӧры вань кышномуртъёс тимпанъёсын потӥзы. Кышномуртъёс эктыны кутскизы, нош Мариам — пиосмуртъёсын ӵош кырӟаны (Пот 15:1, 20, 21). Израиль быдэсак тушмонъёсызлэсь мозмытэмын вал. Израиль калык Египетысь потыку, нокыӵе пудо-животлы но, адямилы но лэземын ӧй вал соослы изъян вайыны. Соос вылэ одӥг пуны но ӧз но ыргеты, ӧз но уты (Пот 11:7). Потон книгаын верамын ӧвӧл ке но египет ожгарчиосын ӵош зарезьын ачиз фараон но быриз шуыса, Псалтирьын 135:15 гожтэмын, Иегова «фараонэз армиеныз ӵош Горд Кам зарезе выйытӥз» шуыса.
27-ТӤ ПӦСЬТОЛЭЗЬ — 2-ТӤ ГУДЫРИКОШКОН
ИНМАРЛЭН КЫЛЫСЬТЫЗ УЗЫРЛЫК | ПОТОН 12
Духовной марӟанъёсты утчаськомы
(Потон 12:12) Нош Мон со уе Египет музъем пыр пото но Египет музъемысь нырысь вордскем пиосты ваньзэс погырто: адямиос пӧлысь но, пудоос пӧлысь но; египет калыклэн вань инмаръёсызлы суд лэсьто. Мон — Кузё-Инмар.
it «Пасха», «Постановления, касающиеся празднования» подзаг., 7 абз.
Пасха
Египет вылэ ыстэм дас шугадӟонъёс, тужгес но дасэтӥез, куке вань нырысь вордскем пиос кулӥзы, со вал египет калыклэн инмаръёсызлы суд лэсьтон (Пот 12:12). Египет калык такаез Ра инмарен лыдъя вал. Соин ик, куке израиль калык ӧс янакъёссэ ыжпилэн вирыныз зыраз, Египет калык лыдъяз, солэсь инмарзэ сантэмазы шуыса. Озьы ик Египет калык ошез но Осирис инмарен лыдъяз. Соин ик, куке нырысь вордскем ошпиос кулӥзы, сантэмамын вал Осирис инмар но. Ассэ фараонэз Ра инмарлэн пиеныз лыдъяло вал но данъяло вал. Озьыен, фараонлэн нырысь вордскем пиезлэн кулэмез возьматӥз, Ра инмар но, фараон но кужымтэм луо шуыса.
(Потон 12:14—16) Та нунал тӥ понна сӥё-дано мед луоз, Кузё-Инмарлэн та праздникез шуыса, сое пусъе выжыысь выжыосы; пумтэм вапумъёслы сётэм та пуктон-косон луэ шуыса, та праздникез ортчытылэ. 15 Сизьым нунал юмал нянь сие; нырысь нуналаз ик коркаосады кыӵе ке но чырсатэм сиёнъёсты вань ке, ваньзэ быдтэ, малы ке шуоно кин ке нырысь нуналысен сизьыметӥ нуналозь чырсатэм сиён сииз ке, та адями лул израиль калык пӧлысь быдтэмын луоз. 16 Нырысетӥ нуналаз тӥ вӧсяськонэ люкаське, сизьыметӥ нуналэ но вӧсяськонэ люкаське: со нуналъёсы нокыӵе но мукет ужъёс тӥ лэсьтыны кулэ ӧвӧл, асьтэлы сиён дасян сяна.
it «Святое собрание», 3 абз.
Вӧсяськонэ люкаськонъёс
Вӧсяськонэ люкаськонъёс нимысьтыз луо вал, малы ке шуоно со дыре израиль калыклы нокыӵе секыт ужез быдэсъяны уг яра вал. Кылсярысь, Юмал Нянь Сиён праздниклэн нырысетӥ но сизьыметӥ нуналъёсыз сярысь, кудъёсаз вӧсяськонэ люкаськонъёс ортчытӥсько вал, Иегова вераз: «Со нуналъёсы нокыӵе но мукет ужъёс тӥ лэсьтыны кулэ ӧвӧл, асьтэлы сиён дасян сяна» (Пот 12:15, 16). Нош вӧсяськонэ люкаськонъёс дыръя священникъёс Иеговалы курбонъёс сёто вал (Лв 23:37, 38). Священникъёслэн сыӵе курбон сётонзы нуналысь нуналэ лэсьтоно ужъёс ӧй вал. Соин ик священникъёслэн курбон сётэмзы законэз тӥянэн ӧз лыдъяськы. Вӧсяськонэ люкаськонъёс со огшоры ужатэк дырез ортчытон нуналъёс гинэ ӧй вал. Соос израиль калыклы бадӟым духовной пайда ваё вал. Котькуд суббота нуналэ адямиос люкаськылӥзы ӵош Инмарлы йыбырттон но дышетскон понна. Сыӵе люкаськылонъёс дыръя соослы Инмарлэсь Кылзэ лыдӟылӥзы но сое валэктылӥзы (берлогес озьы карыны кутскизы сӥнагогаосын но) (Ап 15:21). Озьыен, суббота нуналэ но мукет нуналъёсы, вӧсяськонэ люкаськонъёс дыръя, калык нокыӵе секыт ужез уг лэсьты вал. Нош аслэсьтыз дырзэ сӥзе вал вӧсяськонъёслы но Кылдытӥсь сярысь но солэн эрикез сярысь малпаськонлы. (Учкы ВСТРЕЧА; СОБРАНИЕ, ОБЩЕСТВО.)