«Улон но ужан-тыршон» ужан тетрадьлы малпанъёс
5—11-ТӤ КОНЬЫВУОН
ИНМАРЛЭН КЫЛЫСЬТЫЗ УЗЫРЛЫК | ПОТОН 31, 32
Духовной марӟанъёсты утчаськомы
(Потон 31:17) Та Монэн израиль пиос куспын пумтэм вапумъёслы сётӥськем паймымон тодмет, малы ке шуоно Кузё-Инмар куать нунал ӵоже инэз но музъемез кылдытӥз, нош сизьыметӥ нуналаз шутэтскиз, ӧз ужа».
«Котьмарлэн но аслаз дырыз»: ужлэн но, шутэтсконлэн но
4 Иегова но Иисус дугдылытэк тыршо бере, возьматэ-а со, ми но шутэтскытэк улыны быгатӥськомы шуыса? Уг, уг возьматы. Иегова ноку но уг жадьы, соин ик солы шутэтсконо ӧвӧл. Зэм но, Библиын гожтэмын, инмез но музъемез кылдытыса, Иегова «шутэтскиз, ӧз ужа» шуыса (Пот. 31:17). Но со возьматэ, вылды: Иегова кылдытэмысь дугдӥз но, кылдытэмъёсыз шоры учкыса, шумпотыса улӥз. Иисуслы, музъем вылын ужакуз-тыршыкуз, трос лэсьтоно вал ке но, со ӧз вунэтылы эшъёсыныз сиськыны но шутэтскыны (Матф. 14:13; Лука 7:34).
(Потон 32:32, 33) соослэсь сьӧлыксэс кушты, нош уд ке куштӥськы, соку Аслад гожъям книгаысьтыд монэ но ӵуш». 33 Кузё-Инмар Моисейлы шуиз: «Кин Мон азьын сьӧлыказ, сое Аслам книгаысьтым ӵушо;
Ми Иеговалэн адямиосыз
8 Милям потэ ке, Иегова ниммес «буре ваён книгае» мед гожтоз шуыса, милемлы мар ке но кароно. Малахия верамъя, милемлы Иеговалэсь кышкано но солэн нимыз сярысь малпаськоно. Иеговалы сяна, кинлы ке яке малы ке эшшо йыбыртъяны кутскимы ке, милям ниммы Иеговалэн «улон книгаысьтыз» ӵушемын луоз (Усьт. 3:5; Пот. 32:33).
9 Иеговалы улонмес сӥзиськомы шуыса кылмес сётыны но пылатӥськыны гинэ ӧжыт. Сӥзиськон но пылатӥськон одӥг пол гинэ луэ, нош Инмарлы вань улытозямы ужано-тыршоно. Милемлы котькуд нунал возьматоно, ми Иеговалэсь кылзӥськиськомы шуыса (1 Пётр 4:1, 2).
12—18-ТӤ КОНЬЫВУОН
ИНМАРЛЭН КЫЛЫСЬТЫЗ УЗЫРЛЫК | ПОТОН 33, 34
Духовной марӟанъёсты утчаськомы
(Потон 33:11) Кузё-Инмар Моисеен ваче син сылыса вераськиз, аслаз эшеныз вераськисьёс музэн, собере со калыклэн сылон интыяз берытскиз; нош солэн ужась-тыршисез Навин пи Иисус, егит пияш, скиния дорысь ӧз кошкылы.
Макем умой тӥ Иеговаез тодӥськоды?
9 Израиль калыклэн Египетысь потэмез бере, Моисейлэн Иеговаен эшъяськонэз сокем юн вал, со аслэсьтыз инмысь Атайзэ адӟыса улӥз кадь. (Лыдӟе Еврейёслы 11:27.) Соослэн кусыпъёссы сярысь Библиын тазьы вераське: «Кузё-Инмар Моисеен ваче син сылыса вераськиз, аслаз эшеныз вераськисьёс музэн» (Пот. 33:11).
10 Малы ми дышетскыны быгатӥськомы? Иеговаез умой тодон понна, милемлы солэн сямъёсыз сярысь гинэ тодоно ӧвӧл, но озьы ик солэсь эриксэ но быдэсъяны кулэ. Нош туннэ Инмарлэн потэ «вань адямиосты утиськытэмез, зэмлыкез тодытэмез» (1 Тим. 2:3, 4). Инмарлэсь эриксэ быдэсъян понна одӥгез амал — со адямиосты Иегова сярысь дышетон.
(Потон 34:23, 24) тынад вань пиосмуртъёсыд арлы быдэ куинь пол Кузё-Атай азе, Израильлэн Инмарез Кузё-Инмар азе, султыны кулэ, 24 тынад азьысьтыд калыкъёсты улляло, улон интыдэ паськытато, тынэсьтыд музъемдэ басьтыны нокинлэн мылкыдыз уз ӝутскы, ар куспын куинь пол Инмаред Кузё-Инмар азе султӥд ке.
w98 1/9 20 б., 5 абз.
Валтӥсьсэ бырйы!
Арлы быдэ куинь пол вань израиль пиосмуртъёслы но иудей осконэ выжем муртъёслы Иегова азе султыны кулэ вал. Тросэз семьяослэн йыръёссы валазы, со семьязылэсь Иеговаен кусыпъёссэ юнматоз шуыса. Соин ик соос кышнооссэс но нылпиоссэс сьӧразы басьтылӥзы. Нош кин тушмонъёслэсь утьысал калыклэсь коркаоссэ но бусыоссэ, куке со кошкемын вал? Иегова кылзэ сётӥз: «Тынэсьтыд музъемдэ басьтыны нокинлэн мылкыдыз уз ӝутскы, ар куспын куинь пол Инмаред Кузё-Инмар азе султӥд ке» (Потон 34:24). Соос нырысетӥ интые Иеговаен кусыпъёссэс пуктӥзы ке, соку улэм-вылэмзэс но нокин уз тала. Со понна израиль калыклы юн оскон кулэ вал. Быдэстӥз-а Иегова сётэм кылзэ? Одно ик быдэстӥз!
19—25-ТӤ КОНЬЫВУОН
ИНМАРЛЭН КЫЛЫСЬТЫЗ УЗЫРЛЫК | ПОТОН 35, 36
Духовной марӟанъёсты утчаськомы
(Потон 35:1—3) Моисей вань израиль калыкез огазе люказ, соослы со тазьы шуиз: «Тани кыӵе курон-косонъёсты быдэсъяса улыны косӥз Кузё-Инмар: 2 куать нунал ӵоже ужъёстэс быдэсъялэ, нош сизьыметӥез нунал тӥ понна святой мед луоз, со — суббота, Кузё-Инмарлы сӥзем шутэтскон нунал. Котькудӥз со нуналэ ужась мурт виемын луоз; 3 суббота нуналэ улон интыяды тылъёс эн ӝуатъялэ».
w05 15/5 23 б., 14 абз.
Иеговалэн сюресъёсыз сярысь тодон-валан басьтӥськомы
14 Иеговалы йыбыртъянэз нырысетӥ интые пукты. Израиль калыклы лэзёно ӧй вал, мугорзылэн кулэяськонъёссы сярысь сюлмаськон соосты Иеговалы йыбыртъянлэсь мед палэнтоз шуыса. Соос нуналысь нуналэ лэсьтоно ужъёслы гинэ саклыксэс висъяны кулэ ӧй вал. Иегова вераз, соослэн святой дырзы луоз шуыса, кудзэ сӥзёно вал солы ужан-тыршонэн герӟаськем ужъёслы гинэ (Потон 35:1—3; Лыдпусъёс 15:32—36). Со сяна, арлы быдэ вӧсяськонэ люкаськон дыръёс тупатэмын вал (Левит 23:4—44). Озьы соос быгатӥзы Иеговалэн паймымон ужъёсыз сярысь тодазы вайыны, солэн сюресъёсыз сярысь тодон-валан басьтыны но ӟечлыкез понна тау карыны. Иеговалэн курон-косонъёсызлэсь кылзӥськыса, соос быгатӥзы эшшо но мургес гажаны Иеговаез, эшшо но юнгес сое яратыны, озьы ик азьланяз но солэн сюресъёстӥз ветлыны (Кыкетӥ Закон 10:12, 13). Та пайдаё возетъёс туннэ но Иеговалэн ужась-тыршисьёсызлы пайда ваё (Еврейёслы 10:24, 25).
(Потон 35:21) Ваньзы лыктӥзы, кинэ сюлмыз лыктыны косӥз, ваньмыз, кинэ духез лӧпкытӥз, Кузё-Инмарлы саламъёс-кузьымъёс вайылӥзы вӧсяськон скинияез пуктон понна, мар кулэ службаос ортчытъяны, вӧсяськон дӥськутъёс вурыны;
w00 1/11 29 б., 2 абз.
Шырыт сямо адямиос шумпотыса уло
Пуктэ син азяды, мае соку шӧдӥз израиль калык. Вашкала атайёссы, выжыысь выжые курадӟыса но ляльчи луонэз чидаса, улӥзы. Табере соос эрико но узыресь луизы. Потоз-а соослэн ваньбурзылэсь оглюкетсэ кинлы ке сётэмзы? Израиль калык малпаны быгатысал, та ваньбурез ачиз поттӥз но со солэн гинэ шуыса. Нош куке соосты ӧтизы Иеговалы саламъёс-кузьымъёс вайыны, соос шумпотыса но дась луыса вазиськизы! Соос ӧз вунэтэ, та ваньбурез соослы Иегова сётӥз шуыса. Соин ик соос пӧлысь котькудӥз жалятэк, «сюлэмыз куремъя», азвесез, зарниез но пудо-животэз саламъёслы-кузьымъёслы вайылӥз. Саламъёс-кузьымъёс ваён понна, лыктӥзы ваньзы, «кинэ сюлмыз лыктыны косӥз, ваньмыз, кинэ духез лӧпкытӥз». Зэм но, соос «ас мылкыдзыя Кузё-Инмарлы саламъёс вайылӥзы» (Потон 25:1—9; 35:4—9, 20—29; 36:3—7).
26-ТӤ КОНЬЫВУОН — 1-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | ПОТОН 37, 38
Духовной марӟанъёсты утчаськомы
(Потон 37:1) Веселеил сӥттимпулэсь ковчег лэсьтӥз: солэн кузьдалаез кык но ӝыны гырпум кузьда, пасьталаез — одӥг но ӝыны гырпум кузьда, ӝуждалаез но одӥг но ӝыны гырпум кузьда;
(Потон 37:10) Сӥттимпулэсь ӝӧк лэсьтӥз, кузьдалаез кык гырпум кузьда, пасьталаез — одӥг гырпум, ӝуждалаез одӥг но ӝыны гырпум кузьда.
(Потон 37:25) Сӥттимпулэсь со ӵындытон ортчытъяны курбон сётон ӝӧк лэсьтӥз: солэн кузьдалаез одӥг гырпум кузьда, пасьталаез одӥг гырпум кузьда, ньыль сэрего, ӝуждалаез кык гырпум кузьда; курбон сётон ӝӧк бордысь сюръёс мычиськыса уло;
it «Акация», 3 абз.
Акация
Акациялэн вайёсыз кузь венёесь. Ӵем дыръя одӥг писпулэн вайёсыз бинисько артысь писпулэн вайёсыныз, озьы соос ӝокыт куакъёс кылдыто. Та валэктэ, малы кыл, кудӥз «акация» шуыса берыктӥське, Библиын ӵемысь трос лыдын кутӥське — шитти́м шуыса. Акация 6—8 м ӝужда будыны быгатэ, но со ӵем дыръя куаклы кельше. Акациялэн небыт куаръёсыз, ческыт зыно ӵуж сяськаосыз, кудъёсыз интые пӧрмо кӧжы пуртэслы укшась емышъёс. Шакырес сьӧд сул шобыртэ писпулэсь чурыт но юн модоссэ, кудӥзлы нымы-кибыос изъян вайыны уг быгато. Акация луоё кыр дуннеын ӵем пумиське. Ваньмызлы талы луыса, со тупаз скинияез пуктон понна но со пушкысь арбериосты лэсьтон понна. Акациялэсь лэсьтэмын вал сӥзён-косонэн ковчег (Пот 25:10; 37:1), курбон няньёс тырон ӝӧк (Пот 25:23; 37:10), курбон сётон ӝӧкъёс (Пот 27:1; 37:25; 38:1), сюрыос, кудъёсыз вылын та арбериосты нуллӥзы (Пот 25:13, 28; 27:6; 30:5; 37:4, 15, 28; 38:6), катанчиез ошон юбоос (Пот 26:32, 37; 36:36), озьы ик вӧлэм пулъёс (Пот 26:15; 36:20) но соосты герӟась сюрыос (Пот 26:26; 36:31).
(Потон 38:18) Азбар ӟезьы азе ошыны пужъятыса чагыр, нап-горд, пеймыт-горд ыжгон шортъёслэсь, етӥн шортлэсь куэмын катанчи, солэн кузьдалаез кызь гырпум, ӝуждалаез вить гырпум, азбарысь ынъёс музэн ик быдэс кузьдалаяз соос возъямын вал.
w11 1/12 22 б.,1, 2 абз.
Тодӥськоды-а тӥ?
Мар со сыӵе «нап-горд... ыжгон шорт», кудӥз сярысь ӵем вераське Потон книгаын?
Библия верамъя, шобретъёс, кудъёсыныз шобыртэмын вал скиния (вашкала Израильысь Иеговалы йыбыртъян инты), лэсьтэмын вал «чагыр, нап-горд, пеймыт-горд ыжгон шортъёслэсь, етӥн шортлэсь» (Потон 26:1; 38:18). Священникъёслы «вӧсяськон дӥськут» озьы ик «нап-горд... шортлэсь» лэсьтӥзы (Потон 28:1—6).
Буёлэз, кудӥз кармин шуыса тодмо, кутӥзы шортэз нап-горд карон понна. Та буёлэз потто вал мумы нымы-кибыослэсь (Coccoidea). Та бурдтэм нымы-кибыос уло тыпы вылын (Quercus coccifera). Со будэ Матысь но Шор Шундыӝужанпалан, озьы ик Средиземной зарезь дурын. Буёлэз потто нымы-кибылэн пузъёсысьтыз, кудъёсыз солэн пушказ. Куке мумы нымы-кибылэн пушказ пузъёсыз вань, со тыпылэн куарез яке ваез вылын кӧжы кадь адӟиське. Нымы-кибыосты киын бичало но паньгатъяло. Поттэм буёлэз луэ вуэн сураны но басмаез буян понна кутыны. Плиний Бадӟымез, история удысысь рим тодосчи, вера, кармин буёл со нуналъёсы дуно вал шуыса.