11-ТӤ УРОК

Мылысь-кыдысь вера

Рим. 12:11

УЖПУМЕЗ Вера озьы, верамед кылзӥсьёсыдлэн сюлмазы мед пыӵалоз но мар ке карыны мылкыдзэс мед ӝутоз.

Вань сюлэмдэ пон. Дасяськыкуд малпаськы, макем кулэ со, мае тон вералод. Вань сюлэмдэ поныса вераны мед быгатод шуыса, умой дасяськы.
Кылзӥсьёсыд сярысь малпаськы. Малпаськы, маин пайдаё луэ со, мае тон лыдӟод яке валэктод. Малпа, кызьы верано, кылзӥсьёсыд мед валалозы шуыса, кыӵе пайда ваёз соослы верамед.
Ӝутскем мылкыдын вера. Веранэд улэп но тунсыко мед луоз. Аслэсьтыд шӧдонъёстэ ымныр тусыныд но киосыныд возьматы.

Киосыныд ялан огвыллем эн выреты, со кылзыны люкетэ. Азьло ик малпа, мае тон киосыныд возьматыса пусъёд. Мылысь-кыдысь вера, тужгес но валтӥсь малпанъёсты валэктыкуд яке мар ке карыны ӧтьыкуд. Но ортчыт ӝутскем мылкыдын верад ке, кылзӥсьёсыд ӝог жадёзы.