Чидась лу

Мар кариз Иисус

ВИДЕОРОЛИК: «Иисус чидаса юрттэ вынызлы»

1. Учкы ВИДЕОРОЛИКЕЗ яке лыдӟы Иоаннлэсь 7:3—5 но 1 Коринфъёслы 15:3, 4, 7. Собере малпаськы та юанъёс вылын:

1. а) Кызьы Иисуслэн вынъёсыз нырысь учкизы ӟеч ивор шоры?

2. б) Кытысь адӟиське, Иисус Христос Иаков вынызлы юрттэмысь ӧз дугды шуыса?

Малы ми дышетскиськомы Иисуслэсь?

2. Милемлы чидась луоно, малы ке шуоно куд-ог адямиослы, Библилы оскон понна, тросгес дыр кулэ.

Иисуслэсь адӟем кар

3. Пӧртэм сямен лэсьтыса утча. Адями Библиез дышетыны соглаш уг кариськы ке, кужмысь эн косы сое. Тупась дыре возьматы солы кыӵе ке видеороликез яке статьяез, кудаз валэктӥське, кызьы ортче Библиез дышетон но кыӵе пайда со вае.

4. Адямиосты ог-огенызы эн ӵошаты. Адямиос пӧртэмесь. Ӵыжы-выжыед яке со, кинэн тон Библия сярысь вераськиськод, дышетыны соглаш уг кариськы яке Библиысь кыӵе ке дышетонлы уг оскы ке, малпаськы, малы. Оло нош, солы дуно потэ со, малы дышето солэн черказ. Яке солы кин ке люкетэ: ӵыжы-выжыосыз яке бускельёсыз. Адямилы дыр сёт кылъёсыд вылын малпаськыны но адӟыны, Библия зэмзэ ик пайда вае шуыса.

5. Иеговалэсь юрттэтсэ кур. Вӧсяськы Инмарлы, со тыныд мед юрттоз киостэ лэзьытэк улыны но адямиен гажаса вераськыны. Озьы ик кур солэсь визьлыксэ валаны, зэмзэ ик-а Библия адямилы тунсыко потэ но кулэ на-а со доры ветлыны (1 Кор. 9:26).