Кызьы Иеговалы но Иисуслы тау кареммес возьматоно

Мар тӥ шӧдӥськоды, куке тӥледлы дуно кузьым кузьмало? Тӥ шумпотӥськоды но тӥляд со адямилы тау каремды потэ, дыр. Иегова но Иисус милемлы кузьым кузьмазы, кудзэ номырин но ӵошатыны уз луы. Кыӵе со кузьым но кызьы со понна тау кареммес возьматоно?

1. Кызьы Инмарлы но Христослы тау кареммес возьматоно со понна, мар соос каризы?

Библиын верамын, котькудӥз Иисуслы оскись адями пумтэм вапумъёс ӵоже улыны быгатэ шуыса (Иоанн 3:16). Нош кызьы возьматоно Иисуслы оскеммес? Осконмес ужъёсын но кутэм ужпумъёсын возьматыны кулэ (Иаков 2:17). Ми оскеммес кылъёсынымы но ужъёсынымы возьматӥськомы ке, милям Иисусэн но солэн Атаеныз, Иеговаен, кусыпъёсмы юнмалозы. (Лыдӟе Иоаннлэсь 14:21.)

2. Кыӵе пумиськон юрттэ милемлы Иеговалы но Иисуслы тау кареммес возьматыны?

Кулон азяз ӝытэ Иисус вераз аслаз дышетскисьёсызлы, кызьы соос улонзэ сётэмез понна тау каремзэс возьматыны быгато. Со куриз соосты нимысьтыз пумиськонэ люкаськыны, кудӥз Библиын «Кузё-Инмарлэн ӝытанэз» шуыса нимамын (1 Коринфъёслы 11:20). Сое озьы ик Христослэсь кулонзэ тодэ ваён ӝытан шуо на. Иисуслэн потэ вал, солэн апостолъёсыз, нош берлогес вань зэмос христианъёс но, тодазы мед вайылозы, адямиос понна со аслэсьтыз улонзэ сётӥз шуыса. Тани мар вераз Иисус со пумиськон сярысь: «Монэ буре вайыса, тае быдэсъялэ» (Лука 22:19). Ӝытанэ лыктыса, тӥ Иеговалы но Иисуслы яратэмзы понна тау каремдэс возьматоды.

МУРГЕС ЭСКЕРЕ

3. Мар ми карыны быгатӥськомы, тау кареммес возьматон понна?

Шуом, одӥг адями тӥлесьтыд улондэс утиз. Вунэтоды-а тӥ со адямилэсь тӥледыз утемзэ? Уд, дыр. Тӥ малпалоды, кызьы тӥ солы тау карыны быгатоды.

Ми азьланяз пумтэм вапумъёс ӵоже улыны быгатомы, малы ке шуоно Иегова туж ӟечлыко Инмар. Лыдӟе 1 Иоаннлэсь 4:8—10 но та юанъёслы валэктонъёс сётэ:

• Малы Иисуслэн ми понна кулэмез — со туж дуно кузьым?

• Кыӵе тӥляд шӧдонъёсты кылдо, Иеговалэсь но Иисуслэсь тӥ понна мар каремзэс тодыса?

Кызьы тау кареммес возьматоно Иеговалы но Иисуслы? Лыдӟе 2 Коринфъёслы 5:15 но 1 Иоаннлэсь 4:11; 5:3. Котькудзэ кылбурез лыдӟемды бере та юанлы валэктон сётэ:

• Та кылбурын верамъя, кызьы ми тау кареммес возьматыны быгатӥськомы?

4. Иисуслэсь адӟем каре

Тау кареммес возьматыны эшшо одӥг луонлык — Иисуслэсь адӟем карыса улыны. Лыдӟе 1 Пётрлэсь 2:21 но та юанлы валэктон сётэ:

• Кызьы тӥ Иисуслэн пытьы кузяз мыныны быгатӥськоды?

5. Христослэсь кулонзэ тодэ ваён ӝытанэз пусйытэк эн кельтэ

Лыдӟе Лукалэсь 22:14, 19, 20 но тодэ, кызьы нырысьсэ Ӝытанэз пусйизы. Собере та юанъёслы валэктонъёс сётэ:

• Кызьы Ӝытанэз пусйизы?

• Мае возьмато нянь но вина? (Учке 19-тӥ но 20-тӥ кылбуръёсты.)

Иисуслэн потэ вал, солэн дышетскисьёсыз Ӝытанэз мед пусъёзы шуыса котькуд ар солэн кулон нуналаз. Соин ик Иеговалэн Адӟись-Ивортӥсьёсыз Иисуслэсь кылзӥсько но, Христослэсь кулонзэ тодэ ваён понна, арлы быдэ ӵош люкасько. Ӝытан сярысь тодон понна, учке ВИДЕОРОЛИКЕЗ но та юанлы валэктон сётэ:

ВИДЕОРОЛИК: «Иисус Христослэсь кулонзэ тодэ ваён» (1:41)

• Кызьы Ӝытанэз пусъё?

Нянь но вина — со символъёс. Нянь — со Иисус Христослэн сьӧлыктэм мугорыз, кудзэ со ми понна сётӥз. Вина — со солэн вирыз

ТОДЭ ВАЁН

Иисуслэн дун тыремез понна ми тау карыны быгатомы, Иисуслы оскыса но солэсь кулонзэ Тодэ ваён ӝытанэ лыктыса.

Мае тон тодӥд?

• Кызьы Иисуслы оскеммес возьматоно?

• Кызьы тӥ Иеговалы но Иисуслы тау карыны быгатӥськоды?

• Малы туж кулэ Иисус Христослэсь кулонзэ тодэ ваён ӝытанэ ветлыны?

ТРОСГЕС ТОДЭ

Мар карыны мылкыдмес ӝутэ Христослэн кулэмез?

«Иисус аслаз мугорыныз Иеговаез данъяз» 9:28

Мар со сыӵе оскон но кызьы сое возьматоно?

«Иеговалэн кылсётонъёсызлы оске» («Возьмаськон башня», 2016-тӥ ар, коньывуон)

Лыдӟе, кызьы одӥг кышномуртлэн улонэз воштӥськиз, куке со тодӥз, мар сётэ солы Христослэн кулэмез

«Библия улонэз воштэ» («Возьмаськон башня», 2011-тӥ ар, 1-тӥ гудырикошкон)

Тодэ, малы Ӝытанын куд-огъёсыз нянь сиё но вина юо.

«Малы Иеговалэн Адӟись-Ивортӥсьёсыз Ӝытанэз мукет сямен пусъё, мукет религиос кадь уг?» (jw.org сайтысь статья)