Сюлэмдэс дасялэ

Библиез эскерыкумы, милям потэ, Иеговалэн малпанъёсыз сюлмамы мед пыӵалозы шуыса. Со понна сюлэммес дасяны кулэ. Милям адӟем кареммы потэ Ездралэсь, кудӥз «Кузё-Инмарлэсь законзэ дышетонлы... аслэсьтыз сюлэмзэ понӥз» (Езд. 7:10). Мар кароно, сюлэммес дасян понна?

Вӧсяське. Котькуд эскеронэз вӧсяськыса кутске. Иеговалэсь юрттэт куре эскероно материалэз валаны но улонэ пыртыны (Пс. 118:18, 34).

Зӥбыт-востэмесь луэ. Иегова зэмлыкез ватэ вылтӥяськись адямиослэсь, кудъёсыз ас визьзы вылэ пыкиськыса уло (Лука 10:21). Милям уг поты эскерон ортчытэммы, мукетъёсыз азьын тодон-валанъёсынымы ушъяськон понна. Тӥ шӧдӥськоды ке, тӥледлы мае ке тупатоно шуыса, зӥбыт-востэмен воштӥське.

Кырӟанъёсмес кылзэ. Крезьгур сюлэмез вырӟытыны быгатэ. Соин ик, эскерон азьын одӥг кырӟанмес кылзӥды ке, со тӥледлы юрттоз сюлэмдэс дасяны.