Зәбур
93 Йәһва Худа Падиша болди! Йәһва қадирлиқ,
Бүйүклүк һәм һоқуққа кийинди, шуңлашқа
Йәр-зимин мустәһкәм туруп, тәврәнмәйду.
2 Сениң тәхтиң баштин, қедимдин, тәстиқләнди,
Сән әбәдий моҗут.
3 Йәһва, дәриялар үн селип, көтирилди,
Улар долқунлап, чуқан чиқармақта.
4 Амма нурғунлиған чоңқур сулардин, қудрәтлик
Деңизлардики долқунлардин әрштики алийҗанап
Йәһва Пәрвәрдигар күчлүктур.
5 Сениң гувалириң ишәнчкә лайиқ, Йәһва Рәббимиз,
Сениң өйүңгә муқәддәслик мәңгү тәәллуқтур!