Пәнд-нәсиһәтләр
18 Башқилардин бөлүнгән киши өзиниң
Хаһишини издимәктә, у даналиқни
Яратмай, рәт қилмақта.
2 Әқилсиз билим билән һөзүрләнгүси кәлмәйду,
Униңға пәқәт өзиниң
Көңлидикини ейтсила болди.
3 Қанунсиз кәлсә, униң билән мәсхириму келиду,
Андин инсапсизлиқ билән
Шәрмәндичиликму кәйнидин йетип келиду.
4 Адәмниң сөзлири — чоңқур сулар.
Даналиқниң мәнбәси — еқиватқан ериқ.
5 Әйипликкә үз хәтирилик қилип өтүш
Яхши әмәс вә һәққанийниң ишини
Бурмилаш — яманлиқтур.
6 Наданниң гәплири урушқа әкелиду
Вә униң ағзи таяқ тәләп қилиду.
7 Әқилсизниң ағзи униң үчүн қаза вә
Униң сөзлири җениға қармақ болиду.
8 Төһмәтчиниң сөзлири — назу-немәтләр,
Тоймаслиқ билән адәм қарниға чүшиду.
9 Өз ишида һорун бәтхәшниң акисидур.
10 Йәһваниң исми — мустәһкәм мунар.
Һәққаний униңға қачқанда, егизликкә
Көтирилип, бехәтәрликтә болиду.
11 Байниң мүлки униң мәккәм шәһиридур
Вә тәсәввурида егиз сепилдәк билиниду.
12 Жиқилиштин авал әрниң жүриги
Тәкәббурлишиду, шәрәпкә болса,
Әксичә, мулайимлиқ әкелиду.
13 Ахириғичә тиңшимай, җавап бериш
Уят билән қолайсизликни әкелиду.
14 Кишини роһи у ағриғанда қоллайду,
Амма роһ чүшүп кәтсичу,
Азапни қандақ көтирисән?
15 Әқиллиқ жүрәк билимни топлайду
Вә даналарниң қулиғи тәлимгә интилиду.
16 Һәдийә-қәбилийәт кәңчилик ачиду вә
У түпәйли бәгләр һозурида болисән.
17 Ким сотта биринчи сөзлисә, у һәқтәк көрүниду,
Лекин униң риқабәтчиси
Кәлгәндә, шу чағда һәқлиги пайлиниду.
18 Чәк ташлаш талашларни тохтитиду вә
Қаршилашқучилар арисида ишни йешиду.
19 Рәнҗитилгән бурадәр мустәһкәм шәһәрдинму
Мәккәмирәк вә шундақ келишмәсликләр
Болидуки, улар қорған қулуплиридинму чиңдур.
20 Адәм балиси еғизиниң мевилири билән
Озуқлиниду, униң үнүмлиригә тойиду.
21 Һаят-мамат тилниң һоқуқида.
Униң йемишлиридин һәрким дәм тартиду.
22 Ким яхши аялни тапса, у ғәзнә тапқан
Болуп, Йәһвадин илтипат алиду.
23 Кәмбәғәл-бечарә ялвуруп сөзләйду,
Бай болса, қопал җавап бериду.
24 Бәзи кишиләр өз зийиниға нурғун ағиниләргә егә,
Амма қериндаштинму артуқ яхши көрүдиған
Дост болиду.