Пәнд-нәсиһәтләр

9 Даналиқ өзигә өй қурди, униң үчүн

Йәттә түврүкни ясиди.

 2 У мал союп, гөш тәйярлиди, шарапқа

Хуручларни қетип, дәстихинини яйди.

 3 Хизмәтчилирини әвәтип, уларға шәһәрниң

Чоққилиридин немә ейтишини җекилиди:

 4 «Ким билимгә муһтаҗ, ушбу җайға кәлсун».

Әқлигә толмиғанларға мундақ дәйду:

 5 «Келиңлар, ненимни йәңлар вә мән

Тәйярлиған шаравимни ичиңлар.

 6 Наданлиқни ташлап узум, яшаш үчүн

Даналиқ йоли билән уттур мениңлар».

 7 Ким мәсхиричигә әқил үгәтсә, өзигә

Шәрмәндичилик тапиду вә ким рәзилгә

Мәслиһәт бәрсә, у азапқа қалиду.

 8 Шаңхоға мәслиһәт қилма, чүнки у сени

Өч көрүп кетиду. Нәсиһитиңни данаға

Бәргин вә у сени техиму яхши көриду.

 9 Әқиллиқкә мәслиһәт бәрсәң, у техиму

Дана болиду. Һәққанийни үгәтсәң, у

Билимлирини әмәлий ашуриду.

 10 Йәһва Рәббниң алдида қорқуш — бу

Даналиқниң бешидур. Әң Муқәддәс тоғрилиқ

Билимләр инсанни зерәк қилиду.

 11 Шундақ! Мәндин саңа яшлириң сани

Узартилиду вә өмрүмгә жиллар қошулиду.

 12 Әгәр сән данишмән болсаң, даналиғиң

Пайда әкелиду. Әгәр мәсхиричи болсаң,

Өзәңгә-өзәң зиян кәлтүрисән.

 13 Әқилсиз аял қийқасчи болиду. У надан,

Пай-петәклик вә маһийәтсиз.

 14 У өйиниң кириши алдида олтирипту

Шундақла шәһәрниң егиз җайлирида,

 15 Өзигә өткәнләрни чақиривелип,

Уларни йоллиридин чиқириду:

 16 «Кимгә билим йетишмәйду, маңа келиңлар!»

Наданларға у мундақ дәйду:

 17 «Оғриланған сулар татлиқтур вә

Йошурун йейилгән нан дәмликтур».

 18 Бирақ улар униң өйидә пәқәт өлүкләр

Яшайдиғинини вә у чақирған меһманлар

Гөрдә екәнлигини билмәйду.