Йәшая
4 Ушбу күндә йәттә аял бир әр кишигә йепишип:
«Биз өз ненимизни йәймиз вә өз кийимимизни
Кийимиз, пәқәт сениң исмиң билән атилишимизға
Рухсәт қилғина — бизни шәрмәндичиликтин
Қутулдурғина»,— дәп ялвуриду униңға.
2 Мәзкүр күни Йәһваниң өстүргән өсүмлүги гөзәл һәм шөһрәтлик болиду. Йәр мевиси аман қалған исраиллиқларниң пәхри һәм шәрипи болиду. 3 Шу чағда Сионда вә Йерусалимда аман қалғанлар муқәддәсләр дәп атилиду, барлиғи Йерусалимда һаятлиқ тепиш үчүн китапқа киргүзүлгәнләр болиду.
4 Йәһва Сион қизлириниң паскинчилиқлирини тазилап, Йерусалимниң ичини қанлардин паклаш үчүн, У уни сотлап, көйүватқан қәһрини төкиду. 5 У чағда Йәһва шундақ қилидуки, пүткүл Сион теғиниң вә жиғинларниң орни үстидә күндүзи булут билән ис, кечиси болса, лавулдиған от көйиду вә барчә шанлиқ зимин үстидә һимайә йопуғи туриду. 6 У җайда күндүзи аптап вақтида сайә болудиған чедир туруп, у һава райиниң қолайсиз вақтида боран билән ямғурлардин қачидиған макан болиду.