Салоникилиқларға 2-хәт

1 Паул, Силуан һәм Тимотийдин — Атимиз Худа вә Һакимдаримиз Әйса Мәсиһ билән бирликтә болған салоникилиқлар җамаитигә салам.

2 Худа Атимиз вә Һакимдаримиз Әйса Мәсиһтин силәргә мол меһирлик һәм течлиқ болғай.

3 Биз һәрдайим силәр үчүн, қериндашлар, Рәббимизгә шүкүр ейтишимиз керәк. Һәм бу тоғра, чүнки силәрниң етиқатиңлар мустәһкәмлинип вә һәрқайсиңларниң бир-бириңларға болған меһир-муһәббитиңлар өсмәктә. 4 Шуңа биз өзүмизму силәрниң баштин кәчүрүватқан барлиқ тәқипләрдә һәм дәртләрдә тәқабиллиғиңлар вә етиқатиңлар билән Худаниң җамаәтлиридә пәхирлиниватимиз. 5 Худаниң Падишалиғи үчүн азаплиниватқиниңларға бенаән, униңға лайиқ дәп иқрар қилинишиңларға елип кетиватқан бу Пәрвәрдигарниң һәққаний сотиниң дәлиллисидур.

6 Силәргә дәрт кәлтүриватқанларға Худа үчүн дәрт кәлтүрүш һәққанийдур. 7 Силәргә, дәрт тартиватқанларға, Һакимдаримиз Әйсаниң асмандин униң қудрәтлик пәриштилири билән аян болған вақтида арамлиқ болиду. 8 У лавулдиған отта Тәңрини тонумайдиғанлардин һәм Һакимдаримиз Әйса Мәсиһ тоғрилиқ хуш хәвәргә беқинмиғанлардин интиқам алиду. 9 Улар сораққа тартилип, мәңгү йоқилиш җазасиға тартилиду вә Һакимдаримизниң үзидин һәм униң күч-қудритиниң шөһритидин мәһрум қилиниду. 10 У келип, муқәддәслири билән улуқлиниду, сәвәви етиқат билдүргәнләрниң һәммисидә зоқлинишни пәйда қилиду. Силәрму уларниң арисида болусиләр, чүнки гувалиғимизни ишәнч билән қобул қилған едиңлар.

11 Шуңа дуалиримизда Худа силәрни чақиришиға лайиқ һесаплишини вә Униңға яқидиған барлиқ яхшилиқни қилишни һәм етиқат ишиңларни күчи билән пүтүнләй аяқлаштуришини сораймиз. 12 Шу чағда Пәрвәрдигаримизниң вә Һакимдаримиз Әйса Мәсиһниң инайити асасида, Һакимдаримиз Әйсаниң исми силәр арқилиқ шөһрәтлиниду һәм силәрму униң билән бирликтә.