Нәһәмия
8 Йәттинчи ай башлинип, исраиллиқлар өз шәһәрлиридә яшаватқан мәзгилдә, улар бир кишидәк Су дәрвазилириниң алдидики мәйданда жиғилип, Йәһва Исраилға вәсийәт қилған Муса қануниниң китавини Әзра Тәврат устазиға әкелишни тәләп қилди. 2 Роһаний Әзра Қанунни әр вә аяллар һәм барлиқ тиншашқа қабил кишиләрдин ибарәт болған жиғинниң алдиға йәттинчи айниң дәсләпки күни әкәлди. 3 У уни Су дәрвазилириниң алдидики мәйданда пүткүл чүшинишкә қабил кишиләрниң алдида сәһәрдин башлап чүшкичә оқуди вә барлиқ хәлиқ ушбу Қанун китавиға қулақ салди. 4 Көчәргүчи Әзра мәзкүр пурсәт үчүн ясалған яғач сәхнидә туруп, униң оң тәрипидә Маттифия, Шема, Аная, Урия, Хилқия вә Маасея, сол тәрипидә Пидая, Мисаил, Малхея, Хашум, Хашбаддана, Зәкәрия вә Мешуллам туратти.
5 Әзра китапни пүткүл хәлиқниң көз алдида ачти, чүнки у пүткүл хәлиқтин үстүн турмақта еди. У уни ачқанда, барлиқ хәлиқ өрә турди. 6 Шуниң билән Әзра улуқ Илаһ Йәһвани мубарәклиди. Барлиқ: «Амин, амин!»— дәп, қоллирини асманға көтирип, тазим қилғач, Йәһваниң алдида үзлиригә жиқилатти. 7 Йешуй, Баний, Шеревия, Ямин, Аққуб, Шавтай, Һодия, Маасея, Клита, Азария, Йозавад, Қанан, Пелая вә ләвийләр хәлиқкә Қанунни чүшәндүрәтти, хәлиқ болса өз орнида туратти. 8 Һәқиқий Худаниң Қанунини, мәзкүр китапни ениқ оқуп, изаһларни қошуп, оқулғанни чүшәндүрәтти.
9 Һаким Нәһәмия вә роһаний һәм көчәргүчи Әзра, пүткүл хәлиқни оқутуватқан ләвийләр: «Ушбу күн Пәрвәрдигаримиз Йәһваға беғишланди, қайғурмаңлар һәм жиғлимаңлар (сәвәви, пүткүл хәлиқ Қанунниң сөзлирини аңлап, жиғлавататти). 10 Бериңлар, семиз гөшләрни йәп, ширин ичимликләрни ичиңлар вә һечнәрсә тәйярлимиған кишиләргә қисимлириңларни әвәтиңлар. Чүнки ушбу күн Рәббимизгә аталди, хапа болмаңлар, сәвәви Йәһваниң хурсәнлиги силәр үчүн күч-қудрәттур!»— деди. 11 Ләвийләр барлиқ хәлиқкә йәнә: «Хатирҗәм болуңлар, чүнки мошу күн муқәддәстур. Қайғурмаңлар!»— дәп тәсәлли беришәтти. 12 Шуниң билән пүткүл хәлиқ йәп-ичти вә бөлүкләрни әвәтип, зор хошаллиқ билән мәйрәмлиди, чүнки улар қаритилған сөзләрни чүшәнди.
13 Әтиси һәммә хәлиқниң нәсил башчилири, роһанийлар, ләвийләр Қанун сөзлиригә техиму чоңқур чөкүш үчүн, катип Әзраға жиғилди. 14 Улар Йәһва Муса арқилиқ Исраил оғуллириға йәттинчи айда, байрам вақтида, кәпиләрдә яшашни буйриғинини Қанунда тапти. 15 Шуңлашқа улар Йерусалимда һәм башқа шәһәрләрдә елан қилип, мундақ җакалиди: «Тағларға берип, бағ зәйтун дәриғиниң һәм явайи зәйтунниң шахлирини, мирт, пальма вә башқа йоған йопурмақлиқ дәрәқләрниң шахлирини елип келиңлар».
16 Хәлиқ берип, шахларни жиғип әкелип, өзлиригә кәпиләрни ясиди: һәрким өз өгүзидә, һойлилирида, һәқ Худа ибадәтханисиниң һойлилирида, Су һәм Әпрайим дәрвазилириниң алдидики мәйданларда. 17 Әсирдин қайтқан җәмийәт кәпиләрни қилип, уларда яшиди. Нунниң оғли Йәшуаниң дәвридин башлап әшу күнгичә Исраил оғуллири бундақ қилмиған еди. Шуңа шатлиқ мол урғуп туратти. 18 Һәқ Худаниң Қанун китавини һәр күни, биринчи күндин тартип ахирқи күнгичә оқуп, тәлим бәрди. Байрамни йәттә күн мәйрәмлиди, сәккизинчи күни болса, тохтам бойичә тәнтәнә жиғинни өткүзди.