Зәбур
Давутниң нахшиси.
27 Йәһва — Нурум вә Ниҗатим мениң:
Кимдин қорқаттим?
Йәһва — һаятимниң Қорғини:
Кимдин әйминәттим?
2 Мениң әтимни ғаҗилаш үчүн, һәр ян явузлар
Йепилди. Дүшмәнлирим вә риқабәтчилирим
Һуҗум қилидиған болса, улар
Өзлири путлишип, жиқилиду.
3 Һәтта маңа дүшмән стани көтирилсә, жүригим
Чөчүмәйду. Һәтта уруш башлиса,
Шу вақиттиму бехәтәр болимән.
4 Бир нәрсини Йәһвадин сораймән һәм шунила
Пәқәт издәймән: Йәһва өйидә пүткүл өмрүм
болушни, Йәһваниң гөзәллигини көрүшни,
Маканиға һәвәс билән қарашни.
5 Апәт күнүмдә У мени өз чедирида йошуриду.
Өйиниң мәхпий җайида тутуп,
Ғарташқа мени чиқириду.
6 Ушбу чағда қоршиған дүшмәнлирим үстидин
бешимни егиз көтиримән, Униң чедирида
Еғиз қурбанлиримни әкелимән. Йәһвани
һиссиятлиқ күйләп, Униңға саз чалимән.
7 Йәһва, үнүмни аңлиғина, шәпқитиңни намайән
Қилип, маңа илтипат көрсәткинә!
8 Жүригим Сениң сөзүңни ейтмақта:
«Йүзүмни издәңлар». Шундақ, Йәһва,
Мән йүзүңни изчил издәймән.
9 Мениңдин йүзүңни тартип, ғәзәптә бәндәңни
Рәт қилмиғин, мениң Ярдәмчим болғина!
Ниҗаткарим Худа, мени қалдурмиғина!
10 Сәвәви, ата-анам мени қалдурди,
Лекин Йәһва мени қобул қилди.
11 Йәһва, Өз йолуңға башлиғина, вә уттур йол,
Диянәтликләр йоли билән елип маңғина,
Марайдиғанлардин сақлиғина.
12 Мени дүшмәнлиримниң әркигә бәрмигинә,
Чүнки маңа қарши нәпрәткә толған
Сахта гувачилар турмақта.
13 Ишинимәнки, Йәһва Рәббниң яхшилиғини
Тирикләр зиминида техи талай көримән.
14 Йәһваға таянғин, ғәйрәтлик бол!
Һә, Йәһваға ишинип,
Қәлбиң мустәһкәмләнсун.