Колосилиқларға
2 Мән силәр һәм Лаодикиядикиләр, шуниңдәк үзүмни көрмигәнләрниң һәммиси үчүн зор күрәш жүргүзүватқанлиғимни чүшинишиңларни халаймән. 2 Қәлблириңлар тәсәлли тепип, меһир-муһәббәтниң риштилири билән уйғун бағлинип вә бүйүк байлиққа егә болуш —ишәшлик һалда пүтүнләй һәқиқәтни чүшиниш, Худаниң муқәддәс сири — Мәсиһ үчүн күрәш қиливатимән. 3 Униңда даналиқниң вә билимниң барлиқ ғәзнилири йошурулған. 4 Буни ейтишимниң сәвәви, һечким силәрни қайил қиларлиқ испатлар билән алдап кәтмисун. 5 Чүнки гәрчә мән силәрдин нери болсамму, роһий җәһәттин силәр билән биллә һәм Мәсиһкә болған етиқатиңларниң чиңлиғини вә шундақла силәрдики интизамни көрүп, хошал болуватимән.
6 Демәк, Әйса Мәсиһни Һакимдаримиздәк қобул қилғач, келәчәктиму униң билән бирликтә жүрүңлар, 7 йилтиз тартип, униңда мустәһкәмлиниңлар, үгитилгәндәк етиқатта тәврәнмәс болуңлар вә дайим Худаға шүкүр ейтиңлар.
8 Пәхәс болуңларки, Мәсиһ бойичә әмәс, бәлки инсаний әнъәниләр вә бу дунияниң принциплири бойичә, пәлсәпә һәм ялған ой-пикирләр арқилиқ силәргә олҗидәк егә болувалидиған кимду-бирси пәйда болмисун. 9 Чүнки нәқ Мәсиһтә Пәрвәрдигаримизниң пүтүн тәбиити муҗәссәмлинип, яшимақта. 10 Шуниңдәк силәрму һәрқандақ һөкүмәтниң һәм һакимийәтниң башчисиға бола, толуқлуққа егә болдуңлар. 11 Униң билән болған мунасивитиңлар түпәйли, силәр қолсиз хәтнә қилиндиңлар. Ушбу хәтнә — гунакар тәндин қутулуштур, Мәсиһ хизмәтчилириниң хәтниси. 12 Силәр униң билән униң чөмдүрүлүшидә дәпин қилиндиңлар, уни өлүмдин тирилдүргән Худаға ишәнчәңлар арқилиқ Мәсиһ түпәйлидин униң билән биллә тирилдүрүлдиңлар.
13 Авал силәрни, қилмишлириңларда һәм тениңларниң хәтнисизлигидә өлгәнләрни, Худа униң билән биллә җанландурди. У һиммәтләрчә бизниң барлиқ қилмишлиримизни кәчүрди 14 һәм бизгә қарши гувалиқ қилған қолязмини өчәрди. У тохтамлардин ибарәт болуп, бизгә қарши еди, Худа уни азап түврүгигә миқлап, йолдин еливәтти. 15 У һөкүмәтләрни һәм һакимийәтләрни ялиңачлап, азап түврүги васитиси арқилиқ мәғлупқа учриғанлардәк тәнтәнилик жүрүштә өткүзүп, көз-көз қилди.
16 Шуңлашқа йемәклик, ичмәклик яки мәйрәм, яки йеңи ай күнини нишанлаш, яки шәнбә мунасивити билән һечким силәргә һөкүм қилмисун, 17 чүнки буниң һәммиси — кәлгүсиниң көләңгиси еди, әслиси болса — Мәсиһтә. 18 Силәрни сахта мөмүнлүктә һәм пәриштиләргә сәҗдә қилишта раһәтлинидиған һечқандақ адәм мукапитиңлардин мәһрум қилмисун, чүнки улар қандақту-бир көргән вәһийлиригә ишинип, өз инсаний әқли билән асассиз тәкәббурлишиду. 19 Улар башниң рәһбәрлигигә әгәшмәйду. Баш тәнни башқуруп, өгиләр һәм сиңирлар ярдими билән уни туташтуруп қошиду вә пүткүл тән Яратқучи бериватқан өсүм бойичә өсүвериду.
20 Әгәр силәр Мәсиһ билән бу дунияниң принциплири үчүн өлгән болсаңлар, немишкә мошу дунияда яшаватқандәк: 21 «қолуңға алма», «йемә», «қол тәккүзмә», дегән тохтамларға беқинишни давамлаштуруватисиләр? 22 Улар инсаний әмирләр һәм тәлиматларға бенаән, истимал қилғанда чоқум йоқап кетидиған нәрсиләргә ятиду. 23 Буниң һәммиси тәнни қийнашта, сахта мулайимлиқта вә өзбешимчилиқ ибадәттә даналиқниң пәқәт көрүнүшини шәкилләйду, бирақ булар тәнниң һәвәслири билән болған күрәштә пайдисиздур.