Салоникилиқларға 1-хәт
4 Ахирида, қериндашлар, Һакимдаримиз Әйса намидин силәргә илтимас қилимизки вә агаһландуримизки, силәргә қандақ һәрикәт қилиш вә Худаға лайиқ болуш нәсиһитини биздин қобул қилип — силәрғу шундақ қиливатисиләр — буни кәлгүсидиму техиму көпирәк қилиңлар. 2 Чүнки силәр Һакимдаримиз Әйсаниң бәргән буйруқлирини билисиләр һәм биздин тапшурувалдиңлар.
3 Худаниң ирадиси силәрниң җинсий әхлақсизлиқтин өзәңларни тартиш арқилиқ силәрни муқәддәс қилиштур. 4 Һәрқайсиңлар өз бәдиниңларни* муқәддәсликтә һәм иззәт-һөрмәттә тутушни билиңлар. 5 Худани тонумайдиған хәлиқләргә хас шәһваний һәвәсликкә йол қоймаңлар. 6 Һечқайсиңлар бурадәриңларниң бу җәһәттин һоқуқлириға сүйиқәстлик қилип, зиян кәлтүрмәңлар. Биз бурунму бу тоғрисида силәргә ейтип, асаслиқ гува бәргән, Йәһва мошу һәммә нәрсә үчүн җазалайду. 7 Сәвәви, Худа бизни напаклиққа йол қойғили үчүн әмәс, амма бизни муқәддәсләштүрүш үчүн чақирған еди. 8 Шуңа, ким буниң билән һесаплашмиса, инсанни әмәс, бәлки силәрни Өзиниң муқәддәс роһи билән бәрикәтлигән Худани көзгә илмиған болиду.
9 Қериндашчилиқниң меһир-муһәббити тоғрисида силәргә йезишниң һаҗити йоқ, чүнки силәр өзәңлар Худа тәрипидин бир-бириңларни сөйүшкә үгитилгән. 10 Пүткүл Македонийәдики қериндашлар билән силәр шундақ қиливатисиләр. Бирақ, қериндашлар, буни техиму толуқ йосунда қилишқа үндәймиз. 11 Биз силәргә буйруғандәк, өз қоллириңлар билән әмгәк етишни һәм өз ишиңлар билән бәнт болуп, теч өмүр сүрүшни өзәңларға мәхсәт қилиңлар. 12 Шундақ қилсаңлар, сирттикиләр алдида иззәтлик яшайсиләр һәм һечнәрсидин муһтаҗ болмайсиләр.
13 Шундақла, қериндашлирим, өлүм уйқисида ухлаватқанлар һәққидә, үмүти йоқ башқилардәк қайғурмас үчүн, силәрни хәвәрсиз қалдурғимиз кәлмәйду. 14 Чүнки әгәр биз Әйсаниң өлүп, тирилгәнлигигә ишәнсәк, у вақитта, өлүм уйқисида ухлаватқанларниму Худа Әйса билән биргә болушиға тирилдүриду. 15 Буни силәргә Йәһва сөзи асасида ейтиватимиз: бизгә, Һакимдаримизниң һазирлиниши вақтиғичә яшаватқанларға, өлүм уйқисида ухлаватқанларни һечқандақ озуп кетиш мүмкин әмәс. 16 Чүнки Һакимдаримиз өзи асмандин чақирип, баш пәриштиниң авази вә Худаниң карнийи билән чүшиду вә Мәсиһтә өлгәнләр биринчи болуп тирилиду. 17 Кейин биз, яшаватқанлар, Һакимдаримизни һавада учритиш үчүн, булутларда елинип кетимиз вә шундақларчә Һакимдаримиз билән дайимий биллә болимиз. 18 Демәкчи, мошу сөзләр билән бир-бириңларға тәсәлли бериңлар.