Әфәсликләргә
4 Әнди мән, Һакимдар йолидики мәһбус, силәрдин шуни ялвуримәнки, чақирилған намиңларға лайиқ иш қилиңлар: 2 әқилниң барлиқ мулайимлиғи билән, мөмүнлүк вә кичик пейиллиқ һәм узақсәвирлик, меһир-муһәббәтлик көрситип, бир-бириңларға кәң қосақлиқ болуңлар. 3 Течлиқниң инақлаштуридиған риштилиридә муқәддәс роһниң бирлештүрүшигә интилиңлар. 4 Бир тән вә бир роһ бар, худди чақирилғанларда пәқәт бир үмүт бардәк, 5 Һакимдар бир, етиқат бир, чөмдүрүлүш бир, 6 һәмминиң Атиси һәм Худаси бирдур, У һәммини башқуриду һәммиси арқилиқ вә һәммисидә.
7 Һәрбиримизгә Мәсиһ бәлгүлигән һәдийәниң өлчими бойичә мол меһирлик көрситилди. 8 Шуңа мундақ дейилгән: «Әршкә көтирилип, тутқунларни елип кәтти вә һәдийәләр сүпитидә инсанларни бәрди». 9 «Көтирилип» дегән, у шундақла төвәнгә, йәни йәргә чүшкән дегәнликни билдүрмәмду? 10 Йәргә чүшкән болса, һәммигә толуқлуқни* бериш үчүн, у шундақла барлиқ асманлардин егиз көтирилди.
11 У бәзиләрни әлчиләр, бәзиләрни пәйғәмбәрләр, бәзиләрни инҗилниң вәзичилири, бәзиләрни падичилар һәм устазлар сүпитидә бәрди — 12 муқәддәсләрни түзитиш, хизмәт қилиш Мәсиһниң тенини мустәһкәмләш үчүндур. 13 Нәтиҗидә, биз һәммимиз етиқатта бирликкә йетишимиз вә Худаниң Оғлини тоғра билишимиз, һәқиқәттики чоң кишиниң пишип-йетилишигә, Мәсиһниң толуқлиғиға хас тәрәққиятқа лайиқ болушимиз керәк. 14 Шуңлашқа биз әнди қәстлик алдамчилиқниң һелигәрлиги һәм инсаний қувлуқниң васитисидин долқунлар чайқалғандәк вә һәрқандақ тәлиматниң шамили билән сәнтүрүлүп жүргән гөдәкләрдәк болмишимиз лазим. 15 Амма һәқиқәтни ейтип, баш болған Мәсиһкә һәммә нәрсидә меһир-муһәббәт билән өсүп-йетәйли. 16 Униңдин уйғун қошулуватқан вә һаҗәтлик һәрхил өгиләр арқилиқ бир-бири билән һәрикәтлиниватқан пүткүл тән моҗут. Өзигә хас көләми бойичә маслишип ишләватқан һәрбир әза меһир-муһәббәттә мустәһкәмлинип, тәнниң өсүшигә ярдәм қилмақта.
17 Шуңлашқа мән буни ейтип, Һакимдар йолида чақиримәнки, етиқатта йоқлар әқлиниң пайпетәкчилиги бойичә иш тутқинидәк, силәр башқа иш тутмаңлар. 18 Улар әқли билән қараңғулуқта болуп, Яратқучидин чиқидиған һаятлиқтин қәлблириниң қопаллиғидин һәм наданлиғидин мәһрум қилинған. 19 Улар һар-номусни жүтирип, ачкөзләрчә һәрқандақ напаклиқ билән шуғулиниватмақта.
20 Бирақ силәр Мәсиһни ундақ тонумидиңлар, 21 пәқәт әгәр силәр һәқиқәтән уни аңлап, у тәрипидин үгитилгән болсаңлар, чүнки һәқиқәт Әйсада. 22 Өзиниң алдамчи арзу-һәвәслиридин бузулуп, авалқи һаят тәрзи билән маслашқан кона шәхсиңларни ташлап, 23 әқлиңларни ойғитидиған күч билән йеңилинип, 24 Худаниң ирадиси бойичә һәқиқий һәққанийлиқта һәм вапалиқта яритилған йеңи шәхскә өзгириңлар.
25 Шуниң билән, әнди силәр ялғанчилиқни ташлиғанда, бир-бириңларға һәрким һәқиқәтни сөзлисун, чүнки биз бир-биримизниң әзалиридур. 26 Ғәзәпләнгәндә гуна қилмаңлар. Силәр терикип жүрүп, күн петип кәтмисун 27 һәм Иблисқа йол қоймаңлар. 28 Ким оғрилиған болса, башқа оғрилимисун, әксичә, у муһтаҗ болған билән бөлүшишкә өз қоли билән пайдилиқ әмгәкни пүткүл вуҗудидин қилсун. 29 Ағзиңлардин бирму сесиқ сөз чиқмисун, әксичә, тиңшаватқанларға яхшилиқ әкелиш үчүн — керәк вақитта — пәқәт пайдилиқ сөз мустәһкәмләшкә чиқсун. 30 Төләм билән азатлиниш күнигә мөһүрләнгән силәр Худаниң муқәддәс роһини рәнҗитмәңлар.
31 Һәрқандақ явузлуқ, ғәзәп, қәһәрлик, җедәл һәм аһанәт һәрхил яманлиқтәк, силәрдин нери болсун. 32 Бәлки бир-бириңларға меһриван, чоңқур һәмдәртмән болуңлар. Худайим Мәсиһ арқилиқ силәрни қандақ һиммәтлик билән кәчүргинидәк, силәрму бир-бириңларни шундақ һиммәтлик кәчүрүңлар.