Римлиқларға
4 Әгәр иш шундақ болса, атимиз Ибраһим тоғрилиқ немә дәймиз? 2 Әгәр Ибраһим ишлири билән һәққаний дәп җакаланған болса, униң махтинидиған асаси болатти, амма Худаниң алдида әмәс. 3 Муқәддәс Язмилар немә дәйду? «Ибраһим Йәһваға етиқат бағлиған еди, шуңлашқа у һәққаний дәп тонулған». 4 Әмгәк қилғучиға берилидиған мааш һәдийә болуп һесапланмайду, бәлки иш һәққидәк һесаплиниду. 5 Бирақ ишлириға таянмай, гунакарни һәққаний дәп елан Қилғучиға ишинидиған, шу киши өз етиқати түпәйли һәққаний дәп тонулиду. 6 Давут пәйғәмбәрму ишлиридин қәтъий нәзәр, Худа һәққаний дәп һесаплиған кишини бәхитлик дәп атайду: 7 «Қанунсизлиқлири кәчүрүлгән һәм гуналири йепилған кишиләр бәхитлик, 8 Йәһва гунайини дақимайдиған киши нәқәдәр бәхитликтур».
9 Әнди бу бәхит пәқәт хәтниликләргә тегишликму яки хәтнисизләргиму мәнсүп боламду? Чүнки биз: «Ибраһим етиқати үчүн һәққаний дәп тонулған», дәймизғу. 10 Лекин қандақ әһвалда у шундақ тонулди? Хәтнә қилинғандиму яки қилинмай турупму? Хәтнә қилинмиған һалда шундақ тонулған. 11 Һәм у бәлгүни — хәтнини — етиқат асасида һәққанийлиқ тамғисидәк алди. Уни хәтнисидин авал, етиқати бар әвлатлири һәққаний дәп тонулуши үчүн һәм барлиқ хәтнисизләрниң атиси болуши үчүн таллап алди. 12 У хәтнә қилинған әвлатниңму атисидур, йәни хәтнә рәсмини қилғучиларниң вә әҗдадимиз Ибраһимниң етиқат излирини бесип маңған башқа барлиғиниң атиси болди.
13 Ибраһим вә униң әвлади дунияниң мирасхорлири болуш вәдисини Тәврат қануни арқилиқ алғини йоқ, бәлки етиқат асасидики һәққанийлиғи арқилиқ. 14 Чүнки әгәр мирасхорлар Қанунға әмәл қилғанлар болса, у чағда етиқат пайдисиз болуп, вәдә бекарға чиқиду. 15 Қанун бузғучилар ғәзәпни туғдуриду, амма Қанун йоқ йәрдә қилмишму йоқтур.
16 Демәк, Ибраһимға Рәббимиздин етиқати түпәйли вәдә мол меһирлик бойичә берилгән еди. Шуңлашқа ушбу вәдә барчә әвлатлирида җәзмән орунлиниду, җүмлидин пәқәт Қанунда болғанлардила әмәс, бәлки униң барлиқ әвлатлирида. 17 Чүнки Муқәддәс Язмиларда йезилғинидәк: «Мән сени нурғун хәлиқләрниң атиси қилдим». Бу Ибраһим Яратқучиниң қабилийитигә шундақ ишәнгәнки, У өлгәнләрни тирилдүридиған һәм йоқни бар дәйдиған Худадур. 18 Шуңлашқа униңға: «Сениң әвладиң мошундақ көп болиду», дәп ейтилғанда, гәрчә үмүт үчүн асас болмисиму, нурғун хәлиқләрниң атиси болуши үчүн, у йәнила үмүт түпәйлидин Худаға ишәнди. 19 Гәрчә етиқати аҗизланмисиму, униң ойичә, тени өлүктәк һалда, чүнки униңға тәхминән 100 яш еди, шундақла аяли Сарәниңму балиятқуси өлүк дәп саниди. 20 Лекин Худадин вәдә елип, у етиқатсизлиқта тәврәнмиди, әксичә Рәббини улуқлап, етиқатини мустәһкәмлиди. 21 Тәңриниң вәдиләнгәнни орунлалайдиғанлиғиға толуқ ишәнчлик болди. 22 Шуниң билән, «мошу нәрсә үчүн, у һәққаний дәп тонулди».
23 Амма «у һәққаний дәп тонулди», дегән сөзләр униң үчүнла йезилмиди, 24 бәлки биз үчүнму. Чүнки бизму Һакимдаримиз Әйсани өлүмдин тирилдүргән Худаға етиқат бағлидуқ. 25 Мәсиһ натоғра ишлиримиз үчүн өлүмгә пида қилинип, биз һәққаний дәп елан қилинишимиз үчүн, тирилдүрүлди.