Яқуп
5 Әнди силәр, байлар, қулақ селиңлар: силәргә келиватқан дәртләр үстидин жиғлаңлар һәм зарлаңлар. 2 Силәрниң байлиғиңлар чирип кәтти вә кийимиңларни күйә йәп кәтти. 3 Алтун-күмүчлириңларни дат басти һәм у силәргә қарши гувалиқ болуп, әтлириңларни йәветиду. Силәр ахирқи күнләрдә топлиғаң байлиғиңлар оттәк болиду. 4 Мана, етизлириңлардики һосулни жиққан ишчиларға тәәллуқ, лекин силәр тутувалған иш һәққи дат-пәрияд қиливатиду вә омичиларниң ярдәм тоғрилиқ зарлашлири Худаға, Йәһва Сәрдарниң қулиғиға йәтти. 5 Силәр һашамәтчиликтә, раһәтлинишләргә берилип яшидиңлар. Силәр жүрәклириңларни боғузлаш күнигә бодидиңлар. 6 Силәр һәққанийни сотлап, өлтүрдиңлар. У силәргә қаршилиқ көрсәтмәмду?
7 Қериндашлирим, Һакимдаримизниң һазирлинишиғичә чидамлиқ көрситиңлар. Дехан чидамлиқ билән йәрниң есил мевисини алғичә, дәсләпки вә ахирқи ямғурларни күтиду. 8 Шуниңдәк силәрму чидамлиқ көрситиңлар. Жүрәклириңларни мустәһкәмләңлар, чүнки Һакимдаримизниң һазирлиниши йеқинлап қалди.
9 Қериндашлар, сораққа тартилмаслиғиңлар үчүн, бир-бириңларни яманлимаңлар. Есиңлардин шуни чиқармаңлар: һөкүмчи ишик алдида туриду. 10 Қериндашлирим, Йәһваниң намидин сөзлигән пәйғәмбәрләрдин явузлуқни баштин қандақ кәчүрүш керәклигидә һәм бәрдашлиқ көрситиштә үлгә елиңлар. 11 Биз тәқабил турғанларни бәхитлик дәп атаймиз. Силәр Аюпниң тәқабиллиғи һәққидә аңлиғансиләр һәм Йәһва бәргән ақивәттин шуни байқидиңларки, Йәһва Өз сезимлиридә нәқәдәр юмшақ вә рәһимдилдур.
12 Һәммидин авал, қериндашлирим, нә асман, нә зимин яки қандақту башқа бир нәрсә билән қәсәм қилишни тохтитиңлар. Амма сораққа тартилмаслиқ үчүн, силәрниң «һә» дегиниңлар «һә» болсун, «яқ» дегиниңлар «яқ» болсун.
13 Араңларда явузлуқ тартқучилар барму? Дуа қилсун. Кәйпияти яхшиму? Зәбур нахшилирини ейтсун. 14 Араңларда бирси ағриқму? Җамаәтниң ақсақаллирини чақирсун вә улар униңға Йәһваниң нами билән май сүркәп, униң үчүн дуа қилсун. 15 Етиқат дуаси бемарни* сақайтиду һәм Йәһва уни тикләйду. Әгәр у гуна қилған болса, кәчүрүлиниду.
16 Шуңлашқа сақийиш үчүн, бир-бириңларниң алдида гуналириңларни очуқ иқрар қилиңлар һәм бир-бириңлар үчүн дуа ейтиңлар. Һәққанийниң сәмимий дуаси зор күчкә егә. 17 Илияс пәйғәмбәрму биздәкла сезимлири бар адәм еди, лекин у қизғин дуада ямғур яғмисун дәп сориведи, шу йәрдә үч жил алтә ай ямғур болмиған еди. 18 Кейин у йәнә дуа қилғанда, асман ямғурни яғдурди вә йәр мевә бәрди.
19 Қериндашлар, әгәр араңлардики бирси аздурулушқа киргүзүлүп, һәқиқәттин чәтнигән болса вә башқа бирси уни қайтурса, 20 шуни билиңларки, гунакарни хата йолдин қайтурған киши униң җенини өлүмдин қутқузиду вә нурғун гуналирини япқан болиду.