Ибранийларға

8 Ейтқанлиримниң маһийити шуки: биздә асманда йүксәк Худаниң тәхтиниң оң тәрипидә олтарған башроһанийимиз бар. 2 У адәм әмәс, бәлки Йәһва Өзи тиккән һәқиқий чедирниң муқәддәс җайиниң хизмәтчисидур. 3 Һәрқандақ башроһаний һәдийәләрни һәм қурбанлиқларни әкелишкә тайинлиниду, шуңа униңғиму қурбанлиқни әкелиш һаҗәт еди. 4 Әгәр у йәрдә болған болса, һәргиз роһаний болматти, чүнки Қанун бойичә һәдийәләрни әкелидиған роһанийлар бар. 5 Бирақ улар асмандики хизмәтниң пәқәт рәмзлик тәрзи һәм көләңгиси болған муқәддәс хизмәтни атқурмақта. Буни Муса чедирни қурушқа бәл бағлиғанда, Худаниң: «Байқа, саңа тағда көрситилгән үлгә бойичә һәммә нәрсини нәқ шундақ қилғин», дегән әмри чүшәндүриду. 6 Лекин Әйса техиму алийҗанап хизмәтни тапшурувалди, нәтиҗидә, у техиму убдан вәдиләрдә қануний тәстиқләнгән яхширақ келишимниң васитичисидур.

7 Әгәр биринчи келишим нуқсансиз болған болса, у чағда иккинчи келишим һаҗәт болматти. 8 Лекин Пәрвәрдигар хәлиқниң камчилиқлирини көргәч, мундақ дәйду: «“Мана, шундақ күнләр келиватиду,— дәйду Йәһва,— Мән Исраил өйи һәм Йәһуда өйи билән йеңи келишим түзимән. 9 Мән уларниң әҗдатлири билән Мисир йеридин ачиққан күни түзгән келишимдәк әмәс, чүнки улар Мениң келишимимдә қалмиғачқа, Мән улар һәққидә ғәмхорлуғумни тохтаттим”,— дәйду Йәһва.

10 “Мана, Мән Исраил билән шу күнләрдин кейин түзидиған келишимим,— дәйду Йәһва.— Уларниң әқлигә Өз қанунлиримни салимән һәм уларни жүрәклиридә язимән. Мән уларниң Худаси болумән, улар Мениң хәлқим болиду.

11 Һәм әнди һәрким өз пухрадишини вә қериндишини: “Йәһвани тонуп-билгин!”— дәп үгәтмәйду, чүнки кичигидин тартип чоңиғичә барлиғи Мени билидиған болиду. 12 Мән уларниң һәққанийсиз ишлирини кәчүримән вә гуналирини башқа әскә алмаймән”».

13 «Йеңи келишим» дәп, У авалқини бекар қилиду. Бекар қилинған һәм конирап кәткән нәрсә йоқилишқа йеқиндур.