Вәһий
13 Әҗдиһа деңиз қумида турди.
Андин мән деңиздин көтүрүливатқан жиртқуч һайванни көрдүм. Униң он мүңгүзи вә йәттә беши бар еди. Мүңгүзлиридә он таҗ бар, башлирида болса, Худаға қарши күпүрлүк исимлар. 2 Мән көргән һайван қапланға охшатти, бирақ аяқлири ейиқниңкидәк, ағзи ширниңкидәк болған. Әҗдиһа жиртқуч һайванға күч, тәхт вә зор һакимийәт бәрди.
3 Униң башлириниң биридә гоя һалакәтлик җараһәт болғанлиғини көрдүм, лекин һалакәтлик җараһәт сақийип кәтти вә пүткүл йәр зоқлинип, жиртқуч һайванға әгәшти. 4 Инсанлар әҗдиһаға ибадәт қилди, чүнки у һайванға һакимийәт бәрди һәм улар мундақ деди: «Ким ушбу жиртқуч һайванға тәң келәләйду вә ким униң билән күришәлисун?!» 5 Һайванға тәкәббурлуқ вә Худани һақарәтләйдиған еғиз һәм 42 ай һәрикәт қилиш һоқуқи берилди. 6 Худани, Униң исмини вә Униң маканини, һәтта асманда яшаватқанларни һақарәтләш үчүн у еғизини ачти. 7 Шундақла униңға муқәддәсләргә қарши җәң қилип, уларни йеңивелишкә имкан берилди. Һәм у һәрқандақ қәбилиниң, хәлиқниң, тилниң вә милләтниң үстидин һакимийәт алди. 8 Униңға йәрдә яшиғучиларниң һәммиси ибадәт қилиду. Уларниң исимлири дунияниң яритилишидин башлап қурбанлиққа боғузланған Қозиниң һаятлиқ түртигигә киргүзүлмәйду.
9 Қулиғи барлар аңлисун! 10 Әгәр бирси тутқунлуққа чүшиши лазим болса, у тутқун болиду. Әгәр бирси қилич билән башқини өлтүрсә, у қилич билән өлтүрүлиши керәк. Шуңа муқәддәсләрниң тәқабиллиғи вә етиқати һаҗәттур.
11 Андин мән йәрдин көтүрүливатқан башқа һайванни көрдүм. Униң қозиниңкидәк икки мүңгүзи болған, лекин у әҗдиһадәк сөзләтти. 12 У биринчи жиртқуч һайванниң барлиқ һакимийитини униң көз алдида пайдилиниватиду вә йәрни һәм униңда яшиғучиларни һалакәтлик җараһити сақайған биринчи жиртқуч һайванға ибадәт қилишқа мәҗбурлаватиду. 13 У бүйүк карамәтләрни қиливатиду, һәтта адәмләрниң көзичә асмандин йәргә от чүшириватиду.
14 У жиртқуч һайванниң алдида көрситишкә берилгән карамәтләр билән йәр турғунлирини аздуруватиду вә уларға қиличтин җараһәтләнгән, амма тирилгән жиртқуч һайванниң тәсвирини ясашқа үндәватиду. 15 Жиртқуч һайванниң тәсвири сөзләлиши үчүн һәм у тәсвиргә ибадәт қилмайдиғанларниң һәммисини өлтүриши үчүн, униңға жиртқуч һайванниң тәсвиригә һаятлиқ нәпәс киргүзүшкә һоқуқ берилди.
16 У һәммә кишиләрни — әрзимәс вә улуқларни, бай вә кәмбәғәлләрни, азатлар вә қулларни — оң қолиға яки маңлийиға бәлгүни қобул қилишқа мәҗбурлаватиду. 17 Жиртқуч һайванниң исми яки исминиң сани уларда моҗут болғанлардин башқа һечким йә сетивалалматти, йә саталматти. 18 Бу йәрдә даналиқ керәк: әқлий өткүрлиги барлар жиртқуч һайванниң саниниң маһийитини чүшәнсун, чүнки бу инсаний сан вә униң сани 666.