Әфәсликләргә
3 Шу сәвәптин мән Паул силәр, башқа хәлиқләр адәмлири үчүн, Мәсиһ Әйсаниң мәһбуси... 2 Силәр, әлвәттә, маңа силәр үчүн Худаниң инайитиниң башқуруши тапшурулғанлиғини аңлидиңлар. 3 Мән силәргә бешида қисқичә язғинимдәк, аян арқилиқ муқәддәс сирни билдим. 4 Буни көздә тутуп, силәр оқуғиниңларда мениңда Мәсиһ һәққидики муқәддәс сирниң чүшиниги бар екәнлигини көрәләйлисәр. 5 Илгәрки әвлатларда бу сир инсан балилириға ечилмиған еди, әнди болса у Униң роһи арқилиқ муқәддәс әлчиләргә вә пәйғәмбәрләргә очуқтур. 6 Ениғирағи: ибраний әмәсләр мирасхорлар вә бир тәнниң әзалири болиду һәм биздәк уларғиму хуш хәвәр арқилиқ Мәсиһ Әйсадики вәдә тәәллуқтур. 7 Худаниң күч-қудритиниң паалийитигә мувапиқ маңа билдүрүлгән Униң мол меһирлигиниң һәдийәси түпәйлидин, бу хуш хәвәрниң хизмәтчиси болдум.
8 Маңа — барлиқ муқәддәсләрниң ичидики әң кичигиниң кичигигә Мәсиһниң мөлчәрлигүсиз байлиқлири тоғрилиқ хуш хәвәрни башқа хәлиқләргә җакалишим үчүн, бу мән лайик болмиған инайәт көрситилди. 9 Шуниңдәк һәммә нәрсини вуҗутқа кәлтүргән Яратқучида әзәлдин йошурулған муқәддәс сир қандақ башқуруватқанлиғини адәмләрниң көрүши үчүн, у маңа берилди. 10 Буниң һәммиси, йәни Худаниң көп қирлиқ даналиғи мукәддәсләр җамаити арқилиқ әнди асмандики һөкүмәтләргә һәм һакимийәтләргә ечилиши үчүндур. 11 Һакимдаримиз Әйса Мәсиһ билән бағлиништа У мәңгү нийитигә мувапиқ буни бәлгүлиди. 12 Әйсаға түпәйли биз Худаға болған етиқатимизға бенаән мошу сөз әркинлигигә һәм Униңға ишәшлик мураҗиәт қилиш имканийитигә егә. 13 Шуниң үчүн силәрдин өтүнимәнки, мениң силәр үчүн тартиватқан азаплирим үчүн роһий чүшкүнлүккә берилмәңлар, чүнки булар — силәрниң шан-шәрипиңлардур.
14 Шу сәвәптин мән тизлиримни Атиниң алдида пүкимән: 15 Униңға асмандики һәм йәрдики һәрқандақ аилә өз нами билән миннәтлик. 16 Шуни өтүнимәнки, У силәргә Өз шәрипиниң моллиғи бойичә, роһи арқилиқ ички адимиңларда күчлинишни, 17 қәлблириңларда етиқатиңларға бенаән Мәсиһкә болған меһир-муһәббәтниң яшишини вә силәр мәккәм һулда йилтизлинип мустәһкәмлинишиңларни сораймән. 18 Мошуниңға түпәйли муқәддәсләрниң барлиғи билән кәңлик, узунлуқ, егизлик һәм чоңқурлуқларниң немә екәнлигини чүшинишкә қадир болуңлар. 19 Шундақла Худа беридиған һәммә толуқлуқ билән толуп-тешишиңлар үчүн, билимләрдин ешип чүшидиған Мәсиһниң меһир-муһәббитини тонуп-йеттиңлар.
20 Өз күчи билән биздә һәрикәт Қилғучиға, биз илтимас қилғинимиздин яки пәқәт ойлиғинимиздинму өлчигүсиз артуқ Берәлигүчигә — 21 Пәрвәрдигар Атиға җамаәт һәм Мәсиһ Әйса арқилиқ әвлаттин-әвлатқичә әбәдий-әбәт шөһрәт болғай. Амин!