Колосилиқларға

4 Силәр, ғоҗайинлар, өзәңларниңму асманда Ғоҗайиниңларниң барлиғини билип, қуллириңларға адил вә диянәтлик муамилә қилиңлар.

2 Дуа қилишта миннәтдарлиқ билән һошияр туруп, дайимий болуңлар. 3 Биз үчүнму дуа қилиңлар, Рәббимиз бизгә сөз үчүн ишикни ечип бәрсун вә биз Мәсиһ һәққидики муқәддәс сирни ейталайли. Мән дәл шуниң үчүн зиндан кишәнлиридә болуватимәнғу 4 һәм бу муқәддәс сирни мән тәләп қилинидиғандәк ечип беришим үчүн дуа қилиңлар.

5 Өзәңларға вақитни сетивалғач, җамаәтниң сирттикилири билән дана иш тутуңлар. 6 Гепиңлар дайим йеқимлиқ һәм тетимлиқ болсун, шуниң билән силәр һәрқандақ адәмгә қандақ җавап беришни билидиған болисиләр.

7 Маңа тегишлик йеңилиқларни силәргә қәдирлик бурадәрим, Һакимдаримиз йолидики қул һәм садиқ хизмәтчи Тихик хәвәрләйду. 8 Мән уни көңүллириңларға тәсәлли бериши вә биздә ишларниң қандақ болуватқинини билишиңлар үчүн, йениңларға әвәтиватимән. 9 Униң билән биллә араңлардики бири, мениң садиқ һәм әзиз бурадәрим Онисимни әвәтиватимән. Улар силәргә мошу йәрдә болуватқан барлиқ ишларни мәлум қилиду.

10 Силәргә мениң билән зинданда ятқан Аристарх, шундақла Барнабаниң икки туққан иниси Марк (әгәр у силәргә келип қалса, уни шат-хорам қарши елиш көрсәтмиси җекиләнгән еди) 11 һәм Юстус дәп аталған Иса өз саламлирини йоллаватиду, улар барлиғи хәтниликләрдин. Пәқәт улар Худа Падишалиғи үчүн мениң хизмәтдашлирим һәм улар мениң үчүн чоң йөләк болди. 12 Силәрдин болған, Мәсиһ Әйсаниң қули — Епафрас силәргә салам йоллимақта. У силәрниң Худаниң пүткүл ирадисидә мәккәм ишәнчлик болуп һәм нәтиҗидә роһий йетилип турушиңлар үчүн, һәрдайим җан-дили билән дуаларни қиливатиду. 13 Мән униң тоғрилиқ гувалиқ беримәнки, у силәр үчүн вә Лаодикиядикиләр һәм Йераполидикиләр үчүн көп күч чиқириватиду.

14 Силәргә өз салимини сөйүмлүк тевипимиз Луқа, шундақла Димасму йоллаватиду. 15 Мениңдин Лаодикиядики қериндашларға, шундақла Нимфаға вә униң өйидики җамаәткә салам ейтиңлар. 16 Бу хәт силәрдә оқулуп болғандин кейин, униң Лаодикиядики җамаәттиму оқулушиға ғәмхорлуқ қилиңлар, шундақла силәрдиму Лаодикияға йезилған хәт оқулсун. 17 Һәм Архипқа мундақ дәңлар: «Һакимдаримиз йолида қобул қилған хизмитиңни вижданлиқ орунлиғин».

18 Мана, мәнки Паулдин өз қолум билән язған салимим. Кишәнлиримни әстә тутуңлар. Силәр билән инайәт болсун.